കോട്ടയം: നെടുംപറമ്പില് ക്രെഡിറ്റ് സിന്ഡിക്കേറ്റ് മാനേജ്മെന്റിന്റെ കെടുകാര്യസ്ഥതയ്ക്കും നിരുത്തരവാദത്തിനുമെതിരെ നിക്ഷേപകരും ജീവനക്കാരും എൻ.സി.എസ് വെൽഫയർ സൊസൈറ്റിയുടെ നേതൃത്വത്തിൽ ധർണയും പ്രകടനവും നടത്തി.
മൂന്ന് വർഷത്തോളമായി ഗുരുതര സാമ്പത്തിക പ്രതിസന്ധി നേരിടുന്ന എൻ.സി.എസ് ധനകാര്യ സ്ഥാപനത്തിലെ അഞ്ഞൂറോളം ജീവനക്കാരും നിക്ഷേപകരുമാണ് ധർണ നടത്തിയത്.
തിരുവല്ലാ ടൗൺ ചുറ്റി പ്രകടനവും അടച്ചുപൂട്ടിയ എൻ.സി.എസ് ഹെഡ് ഓഫീസിൻ്റെ മുമ്പിൽ ധർണയും നടത്തി.
പുളിക്കീഴ് ബ്ലോക്ക് പഞ്ചായത്ത് പ്രസിഡൻ്റ് ഈപ്പൻ കുര്യൻ ധർണ ഉദ്ഘാടനം ചെയ്തു.
പ്രസന്നകുമാരൻ നായർ,മാത്തുക്കുട്ടി കലയത്തിനാൽ, ടി.ടി തോമസ് മുരളീധരൻ പിള്ള, ഡയാന മാഗി വർഗീസ് എന്നിവരും സംസാരിച്ചു.
മാനേജ്മെൻ്റ് , സൊസൈറ്റിയുടെ ന്യായമായ ആവശ്യങ്ങൾ അംഗീകരിച്ചില്ലെങ്കിൽ വരും ദിവസങ്ങളിൽ കൂടുതൽ ശക്തമായ സമരപരിപാടികളുമായി മുന്നോട്ട്
പോകുമെന്നും സൊസൈറ്റി ഭാരവാഹികൾ അറിയിച്ചു.
