കോട്ടയം: റബ്ബർ ഒഴികെയുള്ള കാർഷിക ഉത്പന്നങ്ങളുടെ വില ത്തകർച്ചയും, രൂക്ഷമായ വിലക്കയറ്റവും മൂലം പ്രയാസത്തിലായ
ഇടത്തരം, ചെറുകിട, കർഷകർക്ക് കുറഞ്ഞ പലിശ നിരക്കിൽ കാർഷിക വായ്പകൾ ലഭ്യമാക്കണമെന്ന് എൻ സി പി (ശരത് പവാർ വിഭാഗം) സംസ്ഥാന വർക്കിംഗ് പ്രസിഡൻ്റും സംസ്ഥാന കർഷക കടാശ്വാസ കമ്മീഷൻ അംഗവുമായ അഡ്വ. കെ. ആർ.രാജൻ ആവശ്യപ്പെട്ടു.
കൃഷിച്ചെലവുകളും വളത്തിൻ്റെ വിലയും ക്രമാതീതമായി വർദ്ധിക്കുകയും കാർഷിക ഉൽപ്പന്നങ്ങളുടെ വില വളരെ കുറയുകയും ചെയ്തിരിക്കുന്ന സാഹചര്യത്തിൽ സംസ്ഥാനത്തെ ചെറുകിട/ ഇടത്തരം കർഷകർ കടുത്ത പ്രതിസന്ധിയിലാണെന്ന് കെ. ആർ. രാജൻ പറഞ്ഞു.
എൻസിപി (ശരത് പവാർ വിഭാഗം) കോട്ടയം ജില്ലാ നേതൃയോഗം ഉദ്ഘാടനം ചെയ്യുകയായിരുന്നു കെ. ആർ രാജൻ.
കാർഷിക ഉൽപ്പന്നങ്ങൾക്ക് ന്യായമായ വില കർഷകർക്കു ലഭ്യമാക്കാൻ യാതൊരു നടപടിയും സർക്കാർ സ്വീകരിക്കുന്നില്ലെന്നും പ്രതിസന്ധിയിലായ കർഷകർക്ക് ആശ്വാസം പകരാൻ പരമാവധി നാല് ശതമാനം പലിശ നിരക്കിൽ ബാങ്കുകൾ കൃഷിക്കായി വായ്പ നൽകണമെന്നും അദ്ദേഹം ആവശ്യപ്പെട്ടു.
എൻ.സി.പി കോട്ടയം ജില്ലാ പ്രസിഡൻ്റ് പി .എ . താഹ യുടെ അദ്ധ്യക്ഷതയിൽ ചേർന്ന യോഗത്തിൽ ബാബു കപ്പക്കാലാ, അഡ്വ.സതീഷ് തെങ്ങുന്താനം,അഫ്സൽ മഠത്തിൽ, പി ദേവദാസ്, സി.ഉണ്ണിരാജ്, കുഞ്ഞുമോൻ വെള്ളഞ്ചി, അജീഷ് ജിമ്മി ജോർജ് , എൻ സി . ചാക്കോ, മാത്യു പാമ്പാടി, പി.ഏ.സാലു , വൈശാഖ് വൈക്കം, കെ.ജെ.രാജു , ബിനു അതിരമ്പുഴ രാജശേഖരപ്പണിക്കർ, റെജിമോൻ സെബാസ്റ്റ്യൻ,ബിജു തോമസ്, സോന പുതുപ്പള്ളി , മീനടം ഗോപാലകൃഷ്ണൻ തുടങ്ങിയവർ പ്രസംഗിച്ചു
