കോട്ടയം: അറുപത് വയസ് കഴിഞ്ഞ പെൻഷന് അർഹതയില്ലാത്ത എല്ലാവർക്കും സൗജന്യ ചികിത്സ ഉറപ്പാക്കാൻ സർക്കാർ നടപടി സ്വീകരിക്കണമെന്ന് എൻ.സി.പി (എസ്.പി) സംസ്ഥാന സംഘടനാ ജനറൽ സെക്രട്ടറി അഡ്വ. കെ.ആർ. രാജൻ ആവശ്യപ്പെട്ടു.
കേരളത്തിലെ വയോജനങ്ങൾ നേരിടുന്ന ഏറ്റവും ഗുരുതരമായ പ്രശ്നങ്ങൾ രോഗവും ഏകാന്തതയുമാണ്. വയോജനങ്ങൾക്ക് ആവശ്യമായ സംരക്ഷണവും പരിചരണവും ഉറപ്പാക്കുന്നതിനായി കേന്ദ്ര-സംസ്ഥാന സർക്കാരുകൾ പുതിയ പദ്ധതികൾ ആവിഷ്കരിക്കണമെന്നും അദ്ദേഹം പറഞ്ഞു.
എൻ.സി.പി (എസ്.പി) കോട്ടയം ജില്ലാ നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കോട്ടയം റോട്ടറി ഹാളിൽ ചേർന്ന യോഗത്തിൽ ജില്ലാ പ്രസിഡന്റ് പി.എ. താഹ അധ്യക്ഷത വഹിച്ചു.
ബഷീർ തേനമ്മാക്കൽ, പി.ഒ. രാജേന്ദ്രൻ, ബാബു കപ്പക്കാലാ, മിർഷാ ഖാൻ, അഡ്വ. സതീഷ് തെങ്ങുന്താനം, അഫ്സൽ മഠത്തിൽ, കുഞ്ഞുമോൻ വെള്ളഞ്ചി, പി.എ. സാലു, അഡ്വ. രാജഗോപാൽ, ഉണ്ണിരാജ് പത്മാലയം, സാദത്ത് കളരിക്കൽ, വൈശാഖ് വൈക്കം, മാത്യു പാമ്പാടി, ബിനു അതിരമ്പുഴ, എബിസൺ കൂരോപ്പട എന്നിവർ യോഗത്തിൽ പ്രസംഗിച്ചു.
