തിരുവനന്തപുരം: പിഎസ്‍സി ചെയർമാനെയും അംഗങ്ങളെയും പുറത്താക്കാൻ രാഷ്ട്രപതിക്ക് ശുപാർശ ചെയ്ത സംഭവത്തില്‍ പ്രതികരണവുമായി സിപിഎം സംസ്ഥാന സെക്രട്ടറി എംവി ഗോവിന്ദൻ.
രാജേന്ദ്ര അർലേക്കറുടേത് ഭരണഘടന വിരുദ്ധ നിലപാട് ആണെന്നും പിഎസ്‍സിയെ അട്ടിമറിക്കാൻ ഗവർണറെ ബിജെപി ഉപയോഗിക്കുന്നുവെന്നും എംവി ഗോവിന്ദൻ പറഞ്ഞു.
ഇക്കാര്യത്തില്‍ മുഖ്യമന്ത്രിയും മന്ത്രിസഭയും നിലപാട് വ്യക്തമാക്കണം. വിഷയത്തില്‍ യുഡിഎഫ് അർലേക്കറെ പിന്തുണക്കുന്നുണ്ടോയെന്ന് വ്യക്തമാക്കണമെന്നും എംവി ഗോവിന്ദൻ പറഞ്ഞു.
ജനറിക് മരുന്നുകള്‍ക്കെതിരെ എല്‍ഡിഎഫിൻ്റെ മുൻ ആരോഗ്യമന്ത്രിമാർ എന്നത് പച്ചക്കള്ളമാണ്. ക്ലിനിക്കല്‍ ട്രയല്‍ നടത്തുന്ന മരുന്ന് എന്തിന് നല്‍കിയെന്ന് പറയണമെന്നും എംവി ഗോവിന്ദൻ ചോദിച്ചു.
