മുണ്ടക്കയത്ത് നടുറോഡിൽ ഓട്ടോ തടഞ്ഞുനിർത്തി യുവാവിന്റെ അതിക്രമം;ഗ്ലാസുകൾ തല്ലിത്തകർത്തു; ഡ്രൈവർക്കും യാത്രക്കാരായ സ്ത്രീകൾക്കും ക്രൂരമർദ്ദനം; മുണ്ടക്കയം പോലീസ് അന്വേഷണം ആരംഭിച്ചു

മുണ്ടക്കയം: മുണ്ടക്കയത്ത് നടുറോഡിൽ ഓട്ടോറിക്ഷ തടഞ്ഞുനിർത്തി യുവാവിന്റെ അതിക്രമം.

ഡ്രൈവറെയും യാത്രക്കാരായ സ്ത്രീകളെയും മർദ്ദിക്കുകയും ഓട്ടോയുടെ ഗ്ലാസുകൾ തകർക്കുകയും ചെയ്തു.

മുണ്ടക്കയം 10 സെന്റ് ഭാഗത്താണ് സംഭവം.

യാത്രക്കാരുമായി സഞ്ചരിക്കുകയായിരുന്ന ഓട്ടോറിക്ഷ 10 സെന്റിന് സമീപത്ത് വെച്ച് അക്രമിയായ യുവാവ് തടഞ്ഞുനിർത്തുകയായിരുന്നു.

തുടർന്ന് യാതൊരു പ്രകോപനവുമില്ലാതെ ഓട്ടോയുടെ മുൻവശത്തെയും വശങ്ങളിലെയും ചില്ലുകൾ തല്ലിത്തകർത്തു.

അക്രമം തടയാൻ ശ്രമിച്ച ഓട്ടോ ഡ്രൈവറെ പ്രതി മർദ്ദിക്കുകയും റോഡിന്റെ വശത്തെ തിട്ടയിലേക്ക് ഉന്തി താഴെയിടുകയും ചെയ്തു.

ഓട്ടോയിൽ യാത്രക്കാരായി ഉണ്ടായിരുന്ന സ്ത്രീകൾക്കും മർദ്ദനമേറ്റു. സ്ത്രീയുടെ നിലവിളി കേട്ട് പ്രദേശവാസികളും മറ്റ് വഴിയാത്രക്കാരും ഓടിക്കൂടിയതോടെയാണ് അക്രമി സംഭവസ്ഥലത്തുനിന്ന് രക്ഷപ്പെട്ടത്.

പരിക്കേറ്റ ഡ്രൈവറെയും യാത്രക്കാരായ സ്ത്രീകളെയും സമീപത്തെ ആശുപത്രിയിൽ പ്രവേശിപ്പിച്ചു.

പ്രതിക്കായി മുണ്ടക്കയം പോലീസ് അനേഷണം ആരംഭിച്ചു.