പൊതിച്ചോറിന്റെ കാര്യത്തില് എന്തിനാണ് ഇത്രയും ശത്രുത മനോഭാവമെന്ന് മുൻമന്ത്രിയും എംഎൽഎയുമായ മുഹമ്മദ് റിയാസ്. ഡിവൈഎഫ്ഐ ഉള്പെടെയുള്ള സംഘടനയുമായി ചർച്ച ചെയ്യണമെന്നും ആരോഗ്യമന്ത്രി ഈഗോ ഒഴിവാക്കണമെന്നും റിയാസ് പറഞ്ഞു.
അതുപോലെ കൊടിയും ബാനറും വെക്കുന്നതില് എന്താണ് പ്രശ്നമെന്നാണ് ഡിവൈഎഫ്ഐയുടെ ചോദ്യം. ഭക്ഷണപ്പൊതി വിതരണം ചെയ്യുന്നതില് രാഷ്ട്രീയം കാണേണ്ട ഒരു കാര്യവുമില്ലെന്ന് ബിജെപിയും നിലപാട് വ്യക്തമാക്കിയിരുന്നു.
പൊതിച്ചോറ് കഴിച്ചവരൊക്കെ അതു കൊടുത്തവർക്ക് വോട്ടുചെയ്തിരുന്നെങ്കില് കെ. മുരളീധരൻ ഉള്പ്പെടെ പലരും സഭ കാണുമായിരുന്നില്ലെന്ന് കെ. സുരേന്ദ്രൻ പരിഹസിച്ചു. കമ്യൂണിറ്റി കിച്ചൻ ഒന്നും കേരളത്തില് നടപ്പാവില്ലെന്നും ഈ കാര്യത്തില് ദുരഭിമാനം വെടിയുന്നതായിരിക്കും ആരോഗ്യവകുപ്പിന് നല്ലതെന്നും കെ സുരേന്ദ്രൻ ഫേസ്ബുക്കിലും പ്രതികരിച്ചിരുന്നു.
