തിരുവനന്തപുരം: മിൽമ ആസ്ഥാനത്ത് നാടകീയ നീക്കം. സ്വന്തം നിലയിൽ ചുമതല ഏറ്റെടുത്ത് മിൽമ തിരുവനന്തപുരം യൂണിയൻ.
മിൽമ തിരുവനന്തപുരം മേഖലാ യൂണിയൻ പിരിച്ചുവിട്ട നടപടി ഹൈക്കോടതി റദ്ദാക്കിയതിന് പിന്നാലെയാണ് ഭരണസമിതി അംഗങ്ങൾ ചുമതല ഏറ്റെടുത്തത്.
എന്നാൽ, എം ഡിയും രജിസ്ട്രാറും ഹാജരായിരുന്നില്ല.
നിയമവിദഗ്ധർ പറഞ്ഞത് അനുസരിച്ചാണ് പുതിയ മിനുട്സ്
ബുക്ക്‌ വാങ്ങി ചുമതല ഏറ്റെടുത്തതെന്ന് മിൽമ തിരുവനന്തപുരം മേഖല ചെയർപേഴ്സൺ മണി വിശ്വനാഥ് പറഞ്ഞു.
മൂന്ന് മണി മുതൽ ഓഫിസിൽ ഉണ്ട്. എം ഡി യും രജിസ്ട്രാറും ഓഫിസിൽ വന്നില്ല.
മിനുട്സ് ഒരാൾ വഴി കൊടുത്തുവിടാം എന്ന് പറഞ്ഞു. എന്നാൽ കൊടുത്ത് വിട്ടില്ല. പിന്നീട് ഇന്ന് വരാൻ കഴിയില്ല എന്ന് അറിയിച്ചു.
നിയമവിദഗ്ദർ പറഞ്ഞതിന് അനുസരിച്ച് പുതിയ മിനുട്സ് ബുക്ക്‌ വാങ്ങി ചുമതല ഏറ്റെടുത്തത്.
മിനുട്സ് ബുക്ക്‌ കൊണ്ടുപോയി എന്ന് പറയുന്നത് തന്നെ ചട്ടവിരുദ്ധം ആണ്” മണി വിശ്വനാഥ് പറഞ്ഞു.
ഉദ്യോഗസ്‌ഥർ മനപ്പൂർവ്വം മാറിനിന്നുവെന്ന് സംശയിക്കുന്നതായി അദേഹം ആരോപിച്ചു.
സ്വാഭാവിക നീതി നിഷേധമാണ് സർക്കാരിന്റെ ഭാഗത്ത് നിന്ന് ഉണ്ടായതെന്ന് സിപിഐഎം നേതാവ് എം വി ജയരാജൻ വിമർശിച്ചു.
യൂണിയൻ പിരിച്ചുവിട്ട സർക്കാർ നടപടി ഹൈക്കോടതി ഡിവിഷൻ ബെഞ്ച് ആണ് റദ്ദാക്കിയത്.
ബോർഡ് പുനഃസ്ഥാപിക്കാൻ നിർദ്ദേശം നൽകുകയും ചെയ്തിരുന്നു.
2026 ജൂലൈ 25നാണ് മിൽമ തിരുവനന്തപുരം മേഖലാ യൂണിയൻ്റെ ഭരണസമിതിയെ പിരിച്ചുവിട്ടത്.
