കോട്ടയം: എംജി യൂനിവേഴ്സിറ്റിയില് അസോസിയേറ്റ് പ്രൊഫസർ തസ്തികയില് ഒഴിവുകള്.
സ്കൂള് ഓഫ് സയൻസസ്, ഗാന്ധിയൻ തോട്ട് ആൻ്റ് ഡെവലെപ്പ്മെൻ്റ് സ്റ്റഡീസ്, ബയോസയൻസസ്, പെഡഗോഗിക്കല് സയൻസസ്, ടൂറിസം സ്റ്റഡീസ് എന്നീ വകുപ്പുകളിലാണ് ഒഴിവുകള്. യോഗ്യത അടക്കമുള്ള വിശദാംശങ്ങള് അറിയാം.
എല്ലാ ഡിപ്പാർട്ട്മെനറുകളിലും ഓരോ ഒഴിവുകള് വീതമാണ് ഉള്ളത്. അപേക്ഷിക്കാനുള്ള ഉയർന്ന പ്രായപരിധി 60 വയസാണ്.
ബന്ധപ്പെട്ട വിഷയത്തില് പിഎച്ച്ഡി., 55 ശതമാനം മാർക്കോടെ ബിരുദാനന്തര ബിരുദം, എട്ട് വർഷത്തെ അധ്യാപന/ഗവേഷണ പരിചയം, ഏഴ് ഗവേഷണ പ്രസിദ്ധീകരണങ്ങള്, 75 ഗവേഷണ സ്കോർ ഉണ്ടായിരിക്കണം. തിരഞ്ഞെടുക്കപ്പെടുന്നവർക്ക് 1,31,400 അടിസ്ഥാന ശമ്പളം.
അപേക്ഷിക്കുന്നതിനുള്ള അവസാന തീയതി ഡിസംബർ 17 ആണ്. ഓണ്ലൈനായാണ് അപേക്ഷിക്കേണ്ടത്. ഓണ്ലൈൻ അപേക്ഷയുടെ രണ്ട് ഹാർഡ് കോപ്പികളും സർട്ടിഫിക്കറ്റുകളുടെയും രേഖകളുടെയും സ്വയം സാക്ഷ്യപ്പെടുത്തിയ പകർപ്പുകളും സഹിതം 31 ന് മുൻപായി തപാല് മുഖേന അയക്കണം.
വിലാസം
ഡെപ്യൂട്ടി രജിസ്ട്രാർ-II (അഡ്മിൻ), മഹാത്മാഗാന്ധി സർവ്വകലാശാല, പ്രിയദർശിനി ഹില്സ് പി.ഒ, കോട്ടയം - 686 560
കൂടുതല് വിവരങ്ങള്ക്ക്
https://www.mgu.ac.in/uploads/2026/11/Notification-Nov-2026-Associate.pdf?x39651






