മണര്കാട്: കവലയില് ദന്താശുപത്രി സ്ഥിതി ചെയ്യുന്ന കെട്ടിടത്തില് മത്സ്യവ്യപാരത്തിന് നീക്കമെന്നു പരാതി. ഗ്രാമ പഞ്ചായത്തിന്റെ അനുമതി വാങ്ങാതെയാണ് മത്സ്യവ്യാപാരത്തിന് നീക്കം ആരംഭിച്ചിരിക്കുന്നതെന്നും ആക്ഷേപം ഉണ്ട്. മണര്കാട്-കിടങ്ങൂര് റോഡരികില് പ്രവര്ത്തിക്കുന്ന ദന്താശുപത്രിയോട് ചേര്ന്നുള്ള മുറിയിലാണ് മത്സ്യ-മാംസ വില്പനയ്ക്കുള്ള സ്റ്റാളിന്റെ നിര്മാണ ജോലികള് ആരംഭിച്ചത്.
ദന്താശുപത്രിയോട് ചേര്ന്നു തന്നെ ഡോക്ടേഴ്സ് ലാബ്,ജനസേവന മെഡിക്കല്സ്, എന്നീ സ്ഥാപനങ്ങളും പ്രവര്ത്തിക്കുന്നുണ്ട്.ആശുപത്രിയോട് ചേര്ന്ന് മത്സ്യക്കട ആരംഭിക്കുന്നതു വൃത്തിഹീനമായ സാഹചര്യം സൃഷ്ടിക്കുമെന്നും ആശുപത്രിയിലെത്തുന്ന രോഗികള്ക്കു ബുദ്ധിമുട്ട് സൃഷ്ടിക്കുമെന്നും ചൂണ്ടിക്കാട്ടി ആശുപത്രി അധികൃതരും സമീപമുള്ള വ്യാപാരികളും ചേര്ന്നു കലക്ടര്ക്കു പരാതി നല്കി.





