മുവാറ്റുപുഴ: ഓപ്പറേഷൻ തൂഫാൻ്റെ ഭാഗമായി നടന്ന പരിശോധനയില്‍ 29.020 ഗ്രാം രാസലഹരിയുമായി രണ്ട് പേർ അറസ്റ്റില്‍.
വളയൻചിറങ്ങര പുത്തൂരൻ കവല ഭാഗം കളത്തി പറമ്പില്‍ ആല്‍ബിൻ ഷാജി (26), അല്ലപ്ര വെള്ളൂരാൻ കുന്നു വീട്ടില്‍ ആദർശ് അനൂപ് (19 ) എന്നിവരെയാണ് മുവാറ്റുപുഴ പൊലീസ് സർക്കിള്‍ ഇൻസ്പെക്ടർ എംഎസ് ഫൈസലിന്റെ നേതൃത്വത്തിലുള്ള അന്വേഷണ സംഘം അറസ്റ്റ് ചെയ്തത്.
ജില്ലാ പൊലീസ് മേധാവി കെ എസ് സുദർശന് ലഭിച്ച രഹസ്യ വിവരത്തിന് അടിസ്ഥാനത്തില്‍ തൃക്കളത്തൂർ സൊസൈറ്റിപടി ഭാഗത്ത് വച്ചാണ് എംഡിഎംഎയുമായി ഇവരെ കസ്റ്റഡിയില്‍ എടുത്തത്.
മൂവാറ്റുപുഴ ഡിവൈഎസ്പി കെ ആർ മനോജിന്റെ നേതൃതത്തില്‍ ഇവർ പൊലീസ് നിരീക്ഷണത്തിലായിരുന്നു. ഗോവയില്‍ നിന്ന് വലിയ അളവില്‍ കേരളത്തില്‍ എത്തിച്ച്‌ ചെറിയ അളവിലാക്കി വില്പന നടത്തി വരികയായിരുന്നു.
അന്വേഷണ സംഘത്തില്‍ മൂവാറ്റുപുഴ എസ് എച്ച്‌ ഒ സുബിൻ ബിജു, എസ് ഐ ബി റോഷ്നി എഎസ്‌ഐ മാരായ പി എസ് സലിം., എം അനീഷ്, കെ. എ അനസ്,, സീനിയർ സി പി ഓ മാരായ വർഗീസ് റ്റി വേണാട്ട്, ഗീരിഷ്, സിപിഎം മാരായ മാരായ ഇർഫാൻ ഹബീബ് , സിജാസ്, ശ്രീജു, എം.കെ ഷിയാസ്, ദയേഷ്, ബഷീറ, എന്നിവരുമുണ്ടായിരുന്നു.
