കൊച്ചി: ഞാറയ്ക്കലില് 25.36 ഗ്രാം എംഡിഎംഎയുമായി രണ്ട് യുവാക്കള് പൊലീസ് പിടിയിലായി. ഞാറയ്ക്കല് എളങ്കുന്നപ്പുഴ കണ്ണമ്പുഴ വീട്ടില് ജിതിൻ (26) നായരമ്പലം പറുപ്പന വീട്ടില് സാലിഹ് ( 32) എന്നിവരെയാണ് റൂറല് ജില്ലാ ഡാൻസാഫ് ടീമും, മുനമ്പം ഡിവൈഎസ്പിയുടെ പ്രത്യേക അന്വേഷണ സംഘവും ഞാറയ്ക്കല് പൊലീസും ചേർന്ന് പിടികൂടിയത്.
ജില്ലാ പൊലീസ് മേധാവി കെഎസ് സുദർശന് ലഭിച്ച രഹസ്യ വിവരത്തിൻ്റെ അടിസ്ഥാനത്തില് നടത്തിയ പരിശോധനയില് ജിതിൻ്റ വീട്ടില് നിന്ന് 15 ഗ്രാം എംഡിഎംഎയും സാലിഹിൻ്റെ വീട്ടില് നിന്ന് 10.36 എംഡിഎംഎയും കണ്ടെടുത്തു. മുറിക്കകത്ത് വസ്ത്രങ്ങള്ക്കിടയിലും ബർത്തിന് മുകളിലും ആയി സൂക്ഷിച്ച നിലയിലായിരുന്നു ഇവ കണ്ടെത്തിയത്. വൈപ്പിൻ ചെറായി ഭാഗത്ത് ബീച്ച് മേഖലയില് വില്പ്പനയ്ക്കായി ബെംഗളൂരുവില്നിന്ന് കൊണ്ടുവന്നതാണ് രാസലഹരിയെന്ന് പൊലീസ് പറഞ്ഞു. ഇവർ കുറച്ചു നാളുകളായി നിരീക്ഷണത്തിലായിരുന്നു.
ഡാൻസാഫ് ടീം, റൂറല് നാർക്കോട്ടിക് സെല് ഡിവൈഎസ്പി സി ബിനുകുമാർ, മുനമ്പം ഡിവൈഎസ്പി എസ് ജയകൃഷ്ണൻ, എസ്എച്ച്ഒ സിഎസ് നെല്സൻ, എസ്ഐമാരായ സച്ചിൻ എസ് കാർമല്, അഷ്റഫ് ബൈജു എന്നിവരുടെ നേതൃത്വത്തിലായിരുന്നു അന്വേഷണം.
