കുലശേഖരമംഗലം: തോടാണെന്ന് പറയില്ല. അത്രയ്ക്ക് കോലംകെട്ടു. ഇത്ര ദുരവസ്ഥയ്ക്ക് കാരണക്കാർ അധികാരികള് തന്നെയാണ്.
മറവൻതുരുത്ത് പഞ്ചായത്തിലെ ഒന്ന്, 13, 14, 15 വാർഡുകളിലൂടെ കടന്നുപോകുന്ന തോടുകളാണ് നീരൊഴുക്ക് നിലച്ച് മലിനമായി കിടക്കുന്നത്. നിറെയ പോളയും പുല്ലും... ഇത് വളർന്നുപൊന്തിയതോടെ നീരൊഴുക്കും നിലച്ചു.
നിലവിലെ സാഹചര്യം ഉള്നാടൻ മത്സ്യബന്ധന മേഖലയേയും പ്രതികൂലമായി ബാധിച്ചു. തോടുകളെ ആശ്രയിച്ച് മത്സ്യബന്ധനം നടത്തി ഉപജീവനം കണ്ടെത്തുന്ന തൊഴിലാളികള്ക്ക് ഇത് തിരിച്ചടിയായി.
തോടുകളിലെ പോളയും പുല്ലും നീക്കം ചെയ്ത് നീരൊഴുക്ക് പുനസ്ഥാപിക്കണമെന്നാണ് ആവശ്യം. ശുചീകരണത്തിനു പിന്നാലെ ഓരുമുട്ടുകള് സ്ഥാപിക്കണമെന്ന ആവശ്യം ശക്തമാണ്.
പഞ്ചായത്തിലെ ജലസ്രോതസുകളുടെ സംരക്ഷണത്തിന് അടിയന്തര നടപടി വേണമെന്ന് ബി.ജെ.പി ആവശ്യപ്പെട്ടു.





