ഗുവാഹത്തി: ട്രെയിന്‍ യാത്രയ്ക്കിടെ കാണാതായ ഇരുപതുകാരിയായ കോളേജ് വിദ്യാര്‍ഥിനിയുടെ മൃതദേഹം ആന്ധ്രപ്രദേശിലെ കാട്ടുപ്രദേശത്ത് കണ്ടെത്തി.
അസമിലെ കാംരൂപ് ജില്ലയിലെ ബി. ബൊറൂവ കോളേജ് വിദ്യാര്‍ഥിനിയും ആദിവാസി വിഭാഗത്തില്‍പ്പെട്ടതുമായ പെണ്‍കുട്ടിയുടെ മൃതദേഹമാണ് കണ്ടെത്താനായത്. ഡാന്‍സ് പരിപാടിക്കായി ആന്ധ്രപ്രദേശിലെത്തി മടങ്ങവെയാണ് സംഭവം.
ഒക്ടോബര്‍ അഞ്ചിന് രാത്രി 11.50-ഓടെ വിശാഖപട്ടണത്തുനിന്ന് ഗുവാഹത്തിയിലേക്ക് യാത്ര തിരിച്ച്‌ ദിബ്രൂഗഡ് വിവേക് എക്‌സ്പ്രസിന്റെ (22503) 'എസ് 2' കോച്ചിലാണ് പെണ്‍കുട്ടി കയറിയത്. ചൊവ്വാഴ്ച പുലര്‍ച്ചെ 2.39-നാണ് പെണ്‍കുട്ടി വീട്ടുകാരുമായി അവസാനമായി ബന്ധപ്പെട്ടത്. 'ചുറ്റും നിരവധി പുരുഷന്മാരുണ്ട്, എനിക്ക് പേടിയാകുന്നു' എന്നായിരുന്നു പെണ്‍കുട്ടി ബന്ധുക്കള്‍ക്കയച്ച അവസാന സന്ദേശം.
പിന്നീട് പെണ്‍കുട്ടിയെക്കുറിച്ച്‌ വിവരമൊന്നുമില്ലാതായതോടെ ബന്ധുക്കള്‍ ഗുവാഹത്തിയിലെ റെയില്‍വേ പോലീസിലും (ജി.ആര്‍.പി) റെയില്‍വേ ഹെല്‍പ്പ് ലൈനായ 139-ലും പരാതി നല്‍കുകയായിരുന്നു. തുടര്‍ന്ന് നടത്തിയ പരിശോധനയില്‍ ട്രെയിനിലെ 'എസ് 2' കോച്ചില്‍ നിന്ന് പെണ്‍കുട്ടിയുടെ ബാഗ് റെയില്‍വേ പോലീസ് കണ്ടെടുത്തു.
തുടര്‍ന്ന് നടത്തിയ വിശദമായ തിരച്ചിലിലാണ് ആന്ധ്രപ്രദേശിലെ മലയാപുരത്തിന് സമീപമുള്ള വനമേഖലയില്‍നിന്ന് ആര്‍.പി.എഫ് സംഘം പെണ്‍കുട്ടിയുടെ മൃതദേഹം കണ്ടെത്തിയത്. മരണകാരണം എന്താണെന്ന് വ്യക്തമായിട്ടില്ലെന്നും പോസ്റ്റ്‌മോര്‍ട്ടം നടപടികള്‍ക്ക് ശേഷമേ കൂടുതല്‍ വിവരങ്ങള്‍ പുറത്തുവരൂ എന്നും റെയില്‍വേ പോലീസ് വ്യക്തമാക്കി. കാംരൂപ് ജില്ലയിലെ ബോണ്ട പോസ്റ്റ് ഓഫീസിന് കീഴിലുള്ള ചാപൈഡാംഗ് സ്വദേശിയാണ
