ഡൽഹി : അരിയിൽ ഷുക്കൂർ വധക്കേസിലെ വിധിയിൽ പ്രതികരിച്ച് സിപിഐഎം ജനറൽ സെക്രട്ടറി എംഎ ബേബി. സിപിഐഎം നേതാക്കളെ കേസിൽ ഉൾപ്പെടുത്താൻ ശ്രമം നടന്നുവെന്ന് പാർട്ടി വെളിപ്പെടുത്തിയാണെന്നും അദ്ദേഹം പറഞ്ഞു. സിപിഐഎം നേതാവ് പി ജയരാജൻ അടക്കമുള്ളവരെ കുറ്റവിമുക്തനാക്കിയതിൽ നിന്ന് പാർട്ടി പറഞ്ഞത് ശരിയാണെന്ന് തെളിയിക്കപ്പെട്ടെന്നും എം എ ബേബി കൂട്ടിച്ചേർത്തു.
മറ്റുള്ളവരെ കുറ്റക്കാരാക്കി കണ്ടത് എന്ത് അടിസ്ഥാനത്തിൽ ആണെന്ന് ഇപ്പോൾ പറയാനാകില്ലെന്നും പ്രധാനപ്പെട്ട നേതാക്കളെ കുറ്റക്കാരാക്കാൻ നടത്തിയ ശ്രമത്തിന് തിരിച്ചടിയാണെന്നും അദ്ദേഹം പറഞ്ഞു. അതേസമയം അരിയിൽ ഷുക്കൂർ വധക്കേസിലെ ഏഴ് പ്രതികള്ക്ക് ജീവപര്യന്തം ശിക്ഷ വിധിച്ച് കോടതി. കേസിൽ 13 പേരെയാണ് കുറ്റക്കാരണെന്ന് കോടതി കണ്ടെത്തിയത്. ഇതില് കൊലക്കുറ്റം തെളിഞ്ഞ ഏഴ് പേരെയാണ് ജീവപര്യന്തത്തിന് ശിക്ഷിച്ചത്. മറ്റ് ആറ് പ്രതികള്ക്ക് കോടതി ജാമ്യം അനുവദിക്കുകയും ചെയ്തു. കേസില് 18 പേരെ കോടതി വെറുതെ വിടുകയും ചെയ്തു. കൊച്ചിയിലെ സിബിഐ കോടതിയാണ് ശിക്ഷ വിധി പ്രസ്താവിച്ചത്.
കൊലക്കുറ്റം തെളിഞ്ഞ ഒന്നാം പ്രതി കെ വി സുമേഷ്, മൂന്നാം പ്രതി എ വി അനൂപ്, ഏഴാം പ്രതി പവിത്രൻ, ഒമ്പതാം പ്രതി മനോഹരൻ, പത്താം പ്രതി എൻ പി ദിനേശൻ എന്ന മൈന ദിനേശൻ, പന്ത്രണ്ടാം പ്രതി ബിജുമോൻ എന്ന വടി ബിജു, പതിനഞ്ചാം പ്രതി ഷിജിൻ മോഹൻ എന്നിവരെയാണ് ജീവപര്യന്തത്തിന് ശിക്ഷിച്ചത്. സിപിഎം നേതാക്കളായ പി ജയരാജനും ടിവി രാജേഷിനും അടക്കം 18 പേരെ കോടതി വെറുതെ വിട്ടു.






