കോഴിക്കോട് : ഇഡിക്കെതിരെ ആരോപണവുമായി മുൻമന്ത്രി എംബി രാജേഷ്. സിപിഐഎമ്മിനെ പിടിക്കാനല്ല പകരം കേരളം പിടിക്കാനാണ് ഇഡി വരുന്നതെന്ന് എംബി രാജേഷ് ആരോപിച്ചു. കേരളത്തിൽ ഇഡി വരുമ്പോൾ സന്തോഷിക്കുന്നവർ സൂക്ഷിക്കണം, ഇന്നത്തെ ഇന്ത്യയിൽ ജീവിക്കുന്ന സാധാരണ മനുഷ്യർ അത് തിരിച്ചറിയണമെന്നും എംബി രാജേഷ് പറഞ്ഞു.
അസാം, ബംഗാൾ തുടങ്ങിയ സംസ്ഥാനങ്ങൾ ബിജെപി പിടിച്ചത് എങ്ങിനെയാണ്? കേരളത്തിൽ ഇഡിയ്ക്ക് ജയ് വിളിക്കുന്നവർ ഓർക്കണം ആർഎസ്എസിന് വേണ്ടി കേരളം പിടിക്കാൻ ആണ് ഇഡി വരുന്നത്. അത് ഡൽഹി കേജ്രിവാൾ കേസ് പഠിച്ചാൽ മനസിലാകുമെന്നും അദ്ദേഹം പറഞ്ഞു.
