തിരുവനന്തപുരം : പഞ്ചാബിലെ ലൗലി പ്രൊഫഷണൽ സർവകലാശാലയിൽ വിദ്യാർഥി പ്രതിഷേധത്തിനിടെ ഉണ്ടായ സംഘർഷത്തിൽ കടുത്ത ആശങ്ക രേഖപ്പെടുത്തി പ്രതിപക്ഷ നേതാവ് പിണറായി വിജയൻ.
സർവകലാശാലയിൽ പ്രതിഷേധിച്ച വിദ്യാർഥികൾക്കെതിരെ നടക്കുന്ന അതിക്രമം അതീവ ഗൗരവത്തോടെ കാണണമെന്നും അദ്ദേഹം ആവശ്യപ്പെട്ടു.
ഒരു പെൺകുട്ടിക്ക് നേരെ ലൈംഗിക അതിക്രമമുണ്ടായെന്ന ആരോപണം ഉയർന്നതിന് പിന്നാലെയാണ് വിദ്യാർഥികൾ പ്രതിഷേധവുമായി രംഗത്തെത്തിയത്. പ്രതിഷേധത്തെ പോലീസ്, സംഘപരിവാർ പ്രവർത്തകർ എന്നിവരെ ഉപയോഗിച്ച് സർവകലാശാലാ സ്ഥാപകനും ബിജെപി എംപിയുമായ അശോക് കുമാർ മിത്തൽ ക്രൂരമായി അടിച്ചമർത്താൻ ശ്രമിക്കുകയാണെന്ന് പിണറായി വിജയൻ ഫേസ്ബുക്ക് കുറിപ്പിൽ ആരോപിച്ചു.
ലൗലി പ്രൊഫഷണൽ സർവകലാശാലയിൽ പഠിക്കുന്ന 1500ലധികം മലയാളി വിദ്യാർഥികളുടെ സുരക്ഷ ഉറപ്പാക്കണമെന്നും അദ്ദേഹം ആവശ്യപ്പെട്ടു. വിദ്യാർഥികൾക്ക് സുരക്ഷിതമായി നാട്ടിലേക്ക് മടങ്ങാനുള്ള യാത്രാസൗകര്യം കേന്ദ്ര-സംസ്ഥാന സർക്കാരുകൾ അടിയന്തരമായി ഒരുക്കണമെന്നും പിണറായി വിജയൻ ആവശ്യപ്പെട്ടു.
