കോട്ടയം: മൂലവട്ടം കുറ്റിക്കാട്ട് ദേവീക്ഷേത്രത്തിൽ വിനായക ചതുർഥി മഹോത്സവം സെപ്റ്റംബർ 14ന് നടക്കും. വിനായക ചതുർഥിയോടനുബന്ധിച്ച് അഷ്ടദ്രവ്യ മഹാഗണപതിഹോമവും പ്രത്യേക ഗണപതിപൂജയും സംഘടിപ്പിച്ചിട്ടുണ്ട്.
രാവിലെ 6 മണി മുതൽ അഷ്ടദ്രവ്യ മഹാഗണപതിഹോമം നടക്കും. ക്ഷേത്രം മേൽശാന്തി ബ്രഹ്മശ്രീ അറയ്ക്കൽമഠം സുധിശാന്തിയുടെ മുഖ്യകാർമികത്വത്തിലാണ് ചടങ്ങുകൾ.
2026 സെപ്റ്റംബർ 14ന് (1202 ചിങ്ങം 29) തിങ്കളാഴ്ചയാണ് മഹോത്സവം നടക്കുന്നത്. ഭക്തജനങ്ങൾക്ക് ചടങ്ങുകളിൽ പങ്കെടുക്കുന്നതിനും വഴിപാടുകൾ നടത്തുന്നതിനുമുള്ള സൗകര്യങ്ങൾ ക്ഷേത്രത്തിൽ ഒരുക്കിയിട്ടുണ്ടെന്ന് ഭാരവാഹികൾ അറിയിച്ചു.
