കുമരകം: കുമരകത്ത് കുടിവെള്ളമില്ല. ചുറ്റും വെള്ളമുണ്ട്. പക്ഷേ കുടിക്കാൻ തുള്ളിയില്ല. കുമരകത്തെ പല പ്രദേശങ്ങളിലേയും നിലവിലെ അവസ്ഥ ഇതാണ്.
പ്രതിസന്ധി രൂക്ഷമായതോടെ കുടിവെള്ള വിതരണത്തിലെ അപാകതകളും റിസോർട്ടുകളിലെ അമിത ജലഉപയോഗവും പരിശോധിച്ച്‌ കുമരകത്തെ കുടിവെള്ള പ്രതിസന്ധിക്ക് പരിഹാരം കാണാനുള്ള നടപടി ആരംഭിച്ചു.
ഗ്രാമപഞ്ചായത്ത് ജനപ്രതിനിധികളും വാട്ടർ അതോറിട്ടി അധികൃതരും നടത്തിയ ചർച്ചയിലാണ് അടിയന്തര നടപടികള്‍ക്ക് ധാരണയായത്.
കുമരകം ഗ്രാമപഞ്ചായത്ത് പ്രസിഡന്റ് എ.പി ഗോപി, വൈസ് പ്രസിഡന്റ് രമ്യ ഷിജോ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്‌സണ്‍ ആർഷാ ബൈജു, ഗ്രാമപഞ്ചായത്ത് അംഗങ്ങള്‍, വാട്ടർ അതോറിറ്റി എക്‌സിക്യൂട്ടീവ് എൻജിനീയർ അനില്‍ രാജ്, അസിസ്റ്റന്റ് എക്‌സിക്യൂട്ടീവ് എൻജിനീയർ ബാസ്റ്റിൻ ജോണ്‍, അസിസ്റ്റന്റ് എൻജിനീയർ ശ്രുതി രാജ്, മെയിന്റനൻസ് കരാറുകാരൻ രാധാകൃഷ്ണൻ എന്നിവർ ചർച്ചയില്‍ പങ്കെടുത്തു.
