തൃശൂര്‍: പോക്സോ കേസില്‍ സാക്ഷിപറഞ്ഞ വൈരാഗ്യത്തില്‍ സമീപവാസിയെ വീട്ടുമുറ്റത്തേക്ക് അതിക്രമിച്ചു കയറി കരിങ്കല്ലുകൊണ്ട് തലക്കടിച്ച് കൊലപ്പെടുത്താന്‍ ശ്രമിച്ച കേസിലെ പ്രതിയെ വടക്കേക്കാട് പോലീസ് അറസ്റ്റു ചെയ്തു.
വടക്കേക്കാട് സ്വദേശി ഷെക്കീര്‍(34) ആണ് അറസ്റ്റിലായത്.
ഇയാള്‍ പോക്സോ കേസില്‍ ശിക്ഷിക്കപ്പെട്ട പ്രതി കൂടിയാണ്.
കഴിഞ്ഞ ദിവസം രാത്രി 11 മണിയോടെ വടക്കേക്കാട് നാലാം കല്ലില്‍ വച്ചാണ് സംഭവം നടന്നത്.
അക്രമത്തില്‍ ലോഹിതാക്ഷ(53) നാണ് ഗുരുതരമായി പരുക്കേറ്റത്.
