പട്ടികജാതി വിഭാഗത്തിൽപ്പെട്ട വിദ്യാർഥികൾ ഇപ്പോഴും നിറത്തിൻ്റേയും മറ്റും പേരിൽ വിദ്യാഭ്യാസ രംഗത്ത് പീഡനങ്ങൾ ഏറ്റുവാങ്ങുന്നുണ്ടെന്ന് കെപിഎം എസ് ജനറൽ സെക്രട്ടറി കെ.എ. തങ്കപ്പൻ ആരോപിച്ചു.

വൈക്കം: കേരള പുലയർ മഹാസഭ 55ാം വാർഷിക സമ്മേളനവും വിവിധ കെ പി എം എസ് ഗ്രൂപ്പുകളുടെ ഏകീകരണവും വൈക്കത്ത് നടന്നു. വൈക്കം ഗൗരീശങ്കരം ഓഡിറ്റോറിയത്തിൽ നടന്ന സമ്മേളനം കെപിഎം എസ് ജനറൽ സെക്രട്ടറി കെ.എ. തങ്കപ്പൻ ഉദ്ഘാടനം ചെയ്തു

പട്ടികജാതി വിഭാഗത്തിൽപ്പെട്ട വിദ്യാർഥികൾ ഇപ്പോഴും നിറത്തിൻ്റേയും മറ്റും പേരിൽ വിദ്യാഭ്യാസ രംഗത്ത് പീഡനങ്ങൾ ഏറ്റുവാങ്ങുന്നുണ്ടെന്നും സർക്കാർജോലിയിലെ സംവരണം സർക്കാരുകൾ പാലിക്കുന്നില്ലെന്നും കെ.എ.തങ്കപ്പൻ ഉദ്ഘാടന പ്രസംഗത്തിൽ ആരോപിച്ചു.രാഷ്ട്രീയ അധികാരത്തിൽ പട്ടികജാതി വിഭാഗങ്ങളും എത്തപ്പെടുന്ന തരത്തിൽസമുദായം ശക്തിപ്പെട്ടാൽ മാത്രമേ പട്ടികജാതി വിഭാഗത്തിന് നീതി ലഭിക്കുവെന്നും അദ്ദേഹം കൂട്ടിച്ചേർത്തു.

സമ്മേളനത്തിൽ ഹാസ്യതാരം വൈക്കം ഭാസിയെ ആദരിച്ചു.

പ്രസിഡൻ്റ് ഡോ..പി.പി. വാവ , വർക്കിംഗ് പ്രസിഡൻ്റ് പി.വി.രാജു, കെ.ബിനിമോൻ എം എൽ എ ,

വൈസ് പ്രസിഡൻ്റുമാരായ പി.കെ. രാധാകൃഷ്‌ണൻ, എൻ. പ്രസന്നലാൽ, ജില്ലാ സെക്രട്ടറി കെ.പി.ഹരി, ലോജനൻ അമ്പാട്ട്, രമേശ് പുന്നക്കാടൻ, സി .എ . ശിവൻ, ഇ.വി. സുരേഷ്, എൻ.കെ റെജി, പ്രഫ എം. മോഹനൻ തുടങ്ങിയവർ പ്രസംഗിച്ചു