തിരുവനന്തപുരം: കോവളത്ത് മത്സ്യബന്ധന ബോട്ടിന് തീപിടിച്ചു. കൊല്ലം സ്വദേശിയുടെ ബോട്ടാണ് കത്തിയത്.
ബോട്ടില് ഉണ്ടായിരുന്ന തൊഴിലാളികളെ കോസ്റ്റല് പൊലീസ് രക്ഷപ്പെടുത്തി. ബോട്ട് പൂർണമായും കത്തിനശിച്ചുവെന്നാണ് വിവരം.
ഇന്ന് പുലർച്ചെ മൂന്ന് മണിക്കാണ് കോസ്റ്റല് പൊലീസിന് ബോട്ട് കത്തുന്നുവെന്ന വിവരം ലഭിക്കുന്നത്.
പിന്നാലെ കോസ്റ്റല് പൊലീസ് സ്ഥലത്തെത്തി രണ്ട് മത്സ്യത്തൊഴിലാളികളെ രക്ഷപ്പെടുത്തി. എൻജിനില് നിന്ന് തീ പടർന്നുവെന്നാണ് തൊഴിലാളികള് പറഞ്ഞത്. സംഭവത്തില് കൂടുതല് അന്വേഷണം ആരംഭിച്ചു.
