കോട്ടയം: പച്ചക്കറിക്ക് വില കൂടുതല് ആണെന്ന് ആരോപിച്ച് കടയില് കയറി യുവാക്കളുടെ പരാക്രമം. കോട്ടയം മണർകാട് കവലയിലെ പച്ചക്കറി കടയില് ഇന്നലെ രാത്രിയിലാണ് സംഭവം നടന്നത്. സംഭവത്തില് മൂന്ന് പേർ അറസ്റ്റിലായി.
കടയില് സാധനങ്ങള് വാങ്ങാൻ എത്തിയ സംഘം ആദ്യം കടക്കാരനെ അസഭ്യം പറഞ്ഞെന്നും പിന്നീട് കയ്യേറ്റം ചെയ്യാൻ ശ്രമിച്ചെന്നും ആണ് പരാതി. കടയിലെ സാധനങ്ങളുടെ വില ചോദിച്ച ശേഷം കൂടുതലാണെന്ന് പറഞ്ഞായിരുന്നു ആക്രോശം. കടയിലെത്തിയ മറ്റുള്ളവരെയും സമീപത്തെ കടയില് എത്തിയവരെയും ഇവർ അസഭ്യം പറഞ്ഞു. കടക്കാരനെ കയ്യേറ്റം ചെയ്യാൻ ശ്രമിച്ച യുവാക്കളെ പിടിച്ചുമാറ്റി.
മണർക്കാട് സ്വദേശികളായ വിഷ്ണു, ബിബിൻ, ശരത്ത് എന്നിവരെയാണ് അറസ്റ്റ് ചെയ്തത്. നാട്ടുകാർ ചേർന്നാണ് മൂന്ന് പേരെയും പിടികൂടി പൊലീസില് ഏല്പ്പിച്ചത്. മൂന്നു പേരും മദ്യലഹരിയില് ആയിരുന്നുവെന്ന് പൊലീസ് പറഞ്ഞു.
