കോട്ടയം : മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജി വെക്കണമെന്ന ആവശ്യവുമായി കേരളാ ലോയേഴ്സ് ഫോറം കോട്ടയം ജില്ലാ കമ്മറ്റി പ്രതിഷേധ ധർണ സംഘടിപ്പിച്ചു. മഹത്തായ ഇന്ത്യാ മഹാരാജ്യത്തിന്റെ ജനാധിത്വ സംവിധാനങ്ങൾ അട്ടിമറിക്കാൻ സംഘ പരിവാറിന്റെ ചട്ടുകമായി മാറിയ ഗ്യാനേഷ് കുമാർ രാജിവെക്കണമെന്നാവശ്യപ്പെട്ടാണ് പ്രതിഷേധ ധർണ നടത്തിയത്.
ജില്ലാകോടതി- കലക്ടറ്റിന് മുന്നിൽ വച്ചായിരുന്നു പ്രതിഷേധ ധർണ. മുസ്‌ലിം ലീഗ് ജില്ലാ സെക്രട്ടറി അഡ്വ. പീരുമുഹമ്മദ് ഖാൻ ഉദ്ഘാടനം ഉദ്ഘാടനം ചെയ്തു. ലോയേഴ്സ് ഫോറം ജില്ലാ പ്രസിഡണ്ട് അഡ്വ. പിഎച്ച് ഷാജഹാൻ അദ്ധ്യക്ഷനായി. സംസ്ഥാന സെക്രട്ടറി അഡ്വ. റിയാസ് മമ്മാറാൻ മുഖ്യ പ്രഭാഷണം നടത്തി.
ജില്ലാ ജനറൽ സെക്രട്ടറി അഡ്വ. എംഎ റിബിൻഷാ സ്വാഗതം പറഞ്ഞു. ജില്ലാ ട്രഷറർ അഡ്വ. നവാബ് മുല്ലേടം, വൈസ് പ്രസിഡന്റുമാരായ അഡ്വ. പിഐ നൗഷാദ്‌, അഡ്വ. എഎസ് സലിം, അഡ്വ. റിയാസ് ബിൻ കരീം, അഡ്വ. ഷാഹിദ, സെക്രട്ടറിമാരായ അഡ്വ. ഹാരിസ് നാഗമ്പടം, അഡ്വ. നിനു മുഹമ്മദ്, അഡ്വ. സൽമാൻ റഷീദ് എന്നിവർ പ്രസംഗിച്ചു.
