കോട്ടയം: കേരള സംസ്ഥാന ഭാഗ്യക്കുറി വകുപ്പിന്റെ തിരുവോണം ബമ്പർ 2026 (BR-111) ഭാഗ്യക്കുറിയുടെ കോട്ടയം ജില്ലാതല പ്രകാശനവും വിതരണോദ്ഘാടനവും നടന്നു. കോട്ടയം കളക്ടറേറ്റ് വിപഞ്ചിക കോൺഫറൻസ് ഹാളിൽ സംഘടിപ്പിച്ച ചടങ്ങ് കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് അധ്യക്ഷത വഹിച്ചു.
തിരുവോണം ബമ്പർ ടിക്കറ്റിന്റെ ജില്ലാ പ്രകാശനവും വിതരണോദ്ഘാടനവും സ്പീക്കർ തിരുവഞ്ചൂർ രാധാകൃഷ്ണൻ നിർവഹിച്ചു. ജില്ലാ കലക്ടർ ചേതൻകുമാർ മീണ ഐഎഎസ് ചടങ്ങിൽ സാന്നിധ്യം വഹിച്ചു.
കോട്ടയം ജില്ലാ ഭാഗ്യക്കുറി ഓഫീസർ മെഹബൂബ് കെ.പി. സ്വാഗതം ആശംസിച്ചു. ജില്ലാ ഭാഗ്യക്കുറി ക്ഷേമ ഓഫീസർ സിന്ധുമോൾ കെ. കൃതജ്ഞത രേഖപ്പെടുത്തി.
വിവിധ ട്രേഡ് യൂണിയനുകളുടെയും ലോട്ടറി ഏജന്റ്സ് സംഘടനകളുടെയും പ്രതിനിധികൾ, ഭാഗ്യക്കുറി ക്ഷേമനിധി ബോർഡ് പ്രതിനിധികൾ, ഭാഗ്യക്കുറി വകുപ്പ് ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു.
