കോട്ടയം: സംസ്ഥാനത്തെ വൈദ്യുതി പ്രതിസന്ധിക്കെതിരെ ഡിവൈഎഫ്ഐ കോട്ടയം ജില്ലാ കമ്മിറ്റിയുടെ നേതൃത്വത്തിൽ കെഎസ്ഇബി ഓഫീസിലേക്ക് യുവജന പ്രതിഷേധം സംഘടിപ്പിച്ചു. വൈദ്യുതി വിതരണം കാര്യക്ഷമമാക്കാനും ജനങ്ങൾ നേരിടുന്ന പ്രതിസന്ധികൾക്ക് അടിയന്തര പരിഹാരം കാണാനും സർക്കാർ ഇടപെടണമെന്ന് ആവശ്യപ്പെട്ടായിരുന്നു പ്രതിഷേധം.
ഡിവൈഎഫ്ഐ ജില്ലാ പ്രസിഡന്റ് അർച്ചന സദാശിവൻ അധ്യക്ഷത വഹിച്ചു. ജില്ലാ സെക്രട്ടറി ടി. എസ്. ശരത് സ്വാഗതം പറഞ്ഞു. സംസ്ഥാന സെക്രട്ടേറിയറ്റ് അംഗം ബി. സുരേഷ്കുമാർ പ്രതിഷേധം ഉദ്ഘാടനം ചെയ്തു.
എസ്.എഫ്.ഐ ജില്ലാ സെക്രട്ടറി രാഹുൽ പ്രതിഷേധ യോഗത്തെ അഭിസംബോധന ചെയ്ത് സംസാരിച്ചു. ജില്ലാ സെക്രട്ടേറിയറ്റ് അംഗം അജിൻ നന്ദി രേഖപ്പെടുത്തി. ജില്ലയുടെ വിവിധ ഭാഗങ്ങളിൽ നിന്നെത്തിയ പ്രവർത്തകർ പ്രതിഷേധത്തിൽ പങ്കെടുത്തു.
