ആരോഗ്യമേഖല നേരിടുന്ന വെല്ലുവിളികളും പ്രതിസന്ധികളും പരിഹരിക്കുന്നതിന് പൊതുജനാഭിപ്രായവും നിർദേശങ്ങളും സ്വരൂപിക്കുകയെന്ന ലക്ഷ്യത്തോടെ മന്ത്രി കെ. മുരളീധരന് നടത്തുന്ന ജനസമ്പർക്ക പരിപാടി -കായകല്പ്പം നാളെ കോട്ടയത്ത്; തിരുവഞ്ചൂർ രാധാകൃഷ്ണൻ ജില്ലാതല ഉദ്ഘാടനം ചെയ്യും

കോട്ടയം: ആരോഗ്യമേഖല നേരിടുന്ന വെല്ലുവിളികളും പ്രതിസന്ധികളും പരിഹരിക്കുന്നതിനായി സംസ്ഥാനതലത്തില് പൊതുജനാഭിപ്രായവും നിർദേശങ്ങളും

സ്വരൂപിക്കുകയെന്ന ലക്ഷ്യത്തോടെ മന്ത്രി കെ. മുരളീധരന് നടത്തുന്ന ജനസമ്പര്ക്ക പരിപാടി -കായകല്പ്പം നാളെ കോട്ടയം സിഎംഎസ് കോളജില് നടക്കും.

രാവിലെ 9.30ന് സിഎംഎസ് കോളജ് ഗ്രേറ്റ് ഹാളില് സ്പീക്കര് തിരുവഞ്ചൂര് രാധാകൃഷ്ണന് ജില്ലാതല ഉദ്ഘാടനം നിര്വഹിക്കും. മന്ത്രി കെ. മുരളീധരന് അധ്യക്ഷത വഹിക്കും. മന്ത്രി മോന്സ് ജോസഫ് മുഖ്യാതിഥിയാവും.

എംപിമാരായ ഫ്രാന്സിസ് ജോര്ജ്, കൊടിക്കുന്നില് സുരേഷ്, ആന്റോ ആന്റണി, ജോസ് കെ. മാണി, എംഎല്എമാരായ മാണി സി. കാപ്പന്, ചാണ്ടി ഉമ്മന്, നാട്ടകം സുരേഷ്, വിനു ജോബ്, റോണി കെ. ബേബി,

എം.ജെ. സെബാസ്റ്റ്യന്, കെ. ബിനിമോന്, ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, നഗരസഭാ അധ്യക്ഷന് എം.പി. സന്തോഷ്കുമാര്, ആരോഗ്യ കുടുംബക്ഷേമ വകുപ്പ് പ്രിന്സിപ്പല് സെക്രട്ടറി ഷര്മിള മേരി ജോസഫ്,

ആരോഗ്യവകുപ്പ് ഡയറക്ടര് ഡോ. വി. മീനാക്ഷി, എന്എച്ച്‌എം സ്റ്റേറ്റ് മിഷന് ഡയറക്ടര് അനു എസ്. നായര്, അഡീഷണല് ജില്ലാ മജിസ്ട്രേറ്റ് സോളി ആന്റണി,

കോട്ടയം നഗരസഭാംഗം മോന് ജേക്കബ്, ജില്ലാ മെഡിക്കല് ഓഫീസര് ഡോ. എന്. പ്രിയ എന്നിവർ പങ്കെടുക്കും.

പൊതുജനാരോഗ്യ മേഖലയിലെ പശ്ചാത്തല സൗകര്യങ്ങളുടെയും മെഡിക്കല് ഉപകരണങ്ങളുടെയും അപര്യാപ്തത,

സാമ്പത്തിക കുടിശിക, ജീവനക്കാരുടെ കുറവ്, പകര്ച്ച വ്യാധി നിയന്ത്രണത്തിലെ പോരായ്മകള് എന്നിവ പരിഹരിച്ച്‌ സമഗ്രമായ ആരോഗ്യ

വികസന പദ്ധതി തയാറാക്കുകയാണ് പരിപാടിയിലൂടെ ലക്ഷ്യമിടുന്നത്.

ജനപ്രതിനിധികൾ, ആരോഗ്യപ്രവർത്തർ, പൊതുജനങ്ങൾ എന്നിവരില്നിന്ന് അഭിപ്രായങ്ങളും നിദേശങ്ങളും സ്വരൂപിക്കും.