എരുമേലി: ശബരിമല മണ്ഡലകാലത്തിന്റെ ആദ്യ ദിനമായ ഇന്നലെ പരമ്പരാഗത കാനനപാതയിലെ തീർഥാടന യാത്രയ്ക്കു ഭക്തിയോടെ തുടക്കം.
ഇന്നലെ രാവിലെ ആറിന് എരുമേലിയിലെ പ്രവേശന തുടക്കമായ കോയിക്കക്കാവിലെ
ചെക്ക് പോസ്റ്റും ഏഴിന് അഴുതക്കടവിലെ ഗേറ്റും തുറന്നു നൽകി.
ഇതിന് മുമ്പ് രാവിലെ അഞ്ചിന് വനം വകുപ്പിലെ സായുധ സംഘവും വാച്ചർമാരും പാതയിൽ സഞ്ചരിച്ച് വന്യമൃഗസാന്നിധ്യം ഇല്ലെന്ന് ഉറപ്പാക്കി.
അഴുതക്കടവിൽ ഉച്ചകഴിഞ്ഞ് 2.30ഓടെ പാത അടച്ചു. ഇനി ഇന്ന് രാവിലെ ഏഴിന് തുറന്ന് ഉച്ചയ്ക്ക് അടയ്ക്കും.
ഇതിന് മുമ്പ് രാവിലെ അഞ്ചിന് വനം വകുപ്പിലെ സായുധ സംഘവും വാച്ചർമാരും പാതയിൽ സഞ്ചരിച്ച് വന്യമൃഗസാന്നിധ്യം ഇല്ലെന്ന് ഉറപ്പാക്കി.
അഴുതക്കടവിൽ ഉച്ചകഴിഞ്ഞ് 2.30ഓടെ പാത അടച്ചു. ഇനി ഇന്ന് രാവിലെ ഏഴിന് തുറന്ന് ഉച്ചയ്ക്ക് അടയ്ക്കും.
കോയിക്കക്കാവിൽ ഇന്നലെ വൈകുന്നേരം അഞ്ചോടെ പാത അടയ്ക്കുമ്പോൾ കടന്നുപോയ മൊത്തം തീർഥാടകരുടെ എണ്ണം 510 ആണെന്ന് വനം വകുപ്പ് അറിയിച്ചു.
462 പുരുഷന്മാരും 45 കുട്ടികളും മൂന്ന് മാളികപ്പുറം (സ്ത്രീകൾ) ഉൾപ്പടെയാണ് 510 പേർ ആദ്യദിനത്തിൽ സഞ്ചരിച്ചത്.
കോട്ടയം ഡിഎഫ്ഒ പ്രഭുൽ അഗർവാൾ കോയിക്കക്കാവിൽ എത്തിയിരുന്നു.





