കോട്ടയം: കെഎസ്ആർടിസി, സ്വകാര്യ ബസ് ജീവനക്കാരുടെ മദ്യപാനത്തിനും മോശം പെരുമാറ്റത്തിനുമെതിരെ പരാതി.
മദ്യപിച്ച് വാഹനമോടിച്ച് മോട്ടർ വാഹനവകുപ്പിന്റെ നടപടി നേരിടുന്നവരുടെ എണ്ണം കോട്ടയം ജില്ലയിൽ കൂടുതൽ ചിങ്ങവനം സ്റ്റേഷൻ പരിധിയിൽ. എംസി റോഡിൽ സ്ഥിരം ബ്രെത്തലൈസർ പരിശോധനയുമായി ചിങ്ങവനം പൊലീസ്.
കെഎസ്ആർടിസി, സ്വകാര്യ ബസ് ജീവനക്കാരുടെ മദ്യപാനത്തിനും മോശം പെരുമാറ്റത്തിനുമെതിരെ പരാതിയുണ്ട്. ഈ പശ്ചാത്തലത്തിലാണു നടപടി. നവംബർ 2നാണ് പരിശോധന തുടങ്ങിയത്. ദിവസവും രാവിലെ 7.15 മുതൽ 9.30 വരെ കെഎസ്ആർടിസി, സ്വകാര്യ ബസ്, സ്കൂൾ ബസ് ഡ്രൈവർമാരെയാണ് ബ്രെത്തലൈസർ പരിശോധനയ്ക്ക് വിധേയമാക്കുന്നത്.
ചങ്ങനാശേരി ഡിവൈഎസ്പി എസ്.ആഷാദ്, ചിങ്ങവനം എസ്എച്ച്ഒ അജ്മൽ ഷാ, എസ്ഐ കൃഷ്ണകുമാർ എന്നിവരാണു നേതൃത്വം നൽകുന്നത്.






