ചങ്ങനാശേരി: കെഎസ്ആര്ടിസി ഡിപ്പോ നിര്മാണജോലികള് പുനരാരംഭിച്ചു. വിനു ജോബ് എംഎല്എ വിളിച്ചുചേര്ത്ത വിവിധ വകുപ്പുതല ഉദ്യോഗസ്ഥരുടെ യോഗത്തെതുടര്ന്നാണ് ജോലികള് പുനരാരംഭിച്ചത്.
ഓണക്കാലത്ത് നഗരത്തിലുണ്ടാകുന്ന ഗതാഗതത്തിരക്ക് ഒഴിവാക്കുന്നതിനായി ഓഗസ്റ്റ് ഒന്നുമുതല് ബസ് സ്റ്റാന്ഡ് താല്കാലികമായി തുറന്ന് ബസുകള് കയറിയിറങ്ങും.
ഇതിനായി ബസ് സ്റ്റാന്ഡില് വേണ്ട ക്രമീകരണങ്ങള് ഏര്പ്പെടുത്തുന്നതിനുള്ള ജോലികളും ഈയാഴ്ച ആരംഭിക്കും.
കെട്ടിടനിര്മാണം പൂര്ത്തിയാക്കി ഡിസംബര് ഒന്നിന് ബസ് സ്റ്റാന്ഡ് ഉദ്ഘാടനം നടത്താനും തീരുമാനമുണ്ട്. ഇതിനായി ജോലികള് വേഗത്തിലാക്കാനും വിനു ജോബ് എംഎല്എ നിര്മാണ കരാറുകാരായ ഊരാളുങ്കൽ കോണ്ട്രാക്ട് സൊസൈറ്റിക്ക് നിര്ദേശം നല്കിയിട്ടുണ്ട്.
