കോട്ടയം: ഇന്ത്യൻ ഭരണഘടനയും ജനാധിപത്യവും വലിയ കടന്നാക്രമണത്തിന് വിധേയമായിരിക്കുന്നു. ജനാധിപത്യം ഉറപ്പുതരുന്നതിന് ബാധ്യതപ്പെട്ട ഭരണഘടനാ സ്ഥാപനങ്ങളെ നരേന്ദ്രമോദി സർക്കാർ ദുർബലപ്പെടുത്തുന്നു.
സ്വതന്ത്രവും നിഷ്പക്ഷവും പൊതുജനവിശ്വാസവും നിലനിർത്തേണ്ട സ്ഥാപനങ്ങളെ ഭരണകക്ഷിയുടെ ഉപകരണമാക്കി മാറ്റി.
വളരെയധികം ത്യാഗത്തിലുടെ സ്ഥാപിച്ച ജനാധിപത്യവും നേടിയെടുത്ത വോട്ടവകാശവും കേന്ദ്രസർക്കാരും മുഖ്യതിരഞ്ഞെടുപ്പ് കമ്മീഷണർ ഗ്യാനേഷ്കുമാറും ചേർന്ന് ദുർബലപ്പെടുത്തുന്ന സാഹചര്യത്തിൽ ജനാധിപത്യവും ഭരണഘടനയും സംരക്ഷിക്കണമെന്ന അഭ്യർത്ഥനയുമായി ഒക്ടോബർ സോഷ്യലിസ്റ്റ് വിപ്ലവദിനമായ നവംബർ ഏഴിന് ഐപ്സോ നേതൃത്വത്തിൽ സംസ്ഥാനത്തെ എല്ലാ ജില്ലാ കേന്ദ്രങ്ങളിലും ജനാധിപത്യ സംരക്ഷണ സദസ്സുകൾ നടത്തുവാൻ കോട്ടയത്തു ചേർന്ന ഐപ്സോ സംസ്ഥാന കമ്മറ്റി തീരുമാനിച്ചു.
വിവിധ രാഷ്ട്രീയ സാമൂഹ്യ സാംസ്കാരിക സംഘടനകളുടെ കൂട്ടായ്മയിലുടെ ജനകീയ സദസ്സുകൾ നടത്തുന്നതാണ്.
യോഗത്തിൽ സംസ്ഥാന പ്രസീഡിയം മെമ്പർ ഡോ. പി.കെ ജനാർദ്ദനക്കുറുപ്പ് അദ്ധ്യക്ഷത വഹിച്ചു.സംസ്ഥാന ജനറൽ സെക്രട്ടറി അഡ്വ.വി ബി ബിനു ദേശീയ വൈസ് പ്രസിഡൻ്റ് കെ അനിൽകുമാർ സംസ്ഥാന ഭാരവാഹികളായ സി ആർ ജോസ് പ്രകാശ് ബൈജു വയലത്ത് അഡ്വ.എം.എ ഫ്രാൻസിസ് തുടങ്ങിയവർ സംസാരിച്ചു.
യോഗത്തിൽ വിവിധ ജില്ലാ കമ്മറ്റികളിൽ നിന്നും ഐപ്സോ വാർഷിക മെമ്പർഷിപ്പ് സംസ്ഥാന ജനറൽ സെക്രട്ടറി ഏറ്റുവാങ്ങി.
