കുമ്മനം: കഴിഞ്ഞ പന്ത്രണ്ടു വർഷമായി നാട്ടിലും വിദേശത്തുമായി അനേകം വിദ്യാർത്ഥികളെ വിവിധ കലാരൂപങ്ങളിലേക്ക് കൈപിടിച്ചുയർത്തുകയും, അവരുടെ കലാപരമായ കഴിവുകൾ പരിപോഷിപ്പിച്ച്
കലാരംഗത്ത് വ്യക്തിമുദ്ര പതിപ്പിക്കാൻ അവസരമൊരുക്കുകയും ചെയ്യുന്ന ഭവപ്രിയ സ്കൂൾ ഓഫ് മ്യൂസിക് & ഡാൻസിന്റെ പന്ത്രണ്ടാം വാർഷികാഘോഷം പ്രൗഢമായി സംഘടിപ്പിച്ചു.
കോട്ടയം തിരുനക്കര ശിവശക്തി ഓഡിറ്റോറിയത്തിൽ നടന്ന ചടങ്ങിൽ നിയമസഭാ സ്പീക്കറും കോട്ടയം എം.എൽ.എയുമായ തിരുവഞ്ചൂർ രാധാകൃഷ്ണൻ വാർഷികാഘോഷം ഉദ്ഘാടനം ചെയ്തു.
പദ്മശ്രീ കലാമണ്ഡലം വിമല മേനോൻ, കലൈമാമണി ഡോ. തിരുവിഴ ജയശങ്കർ, കലാരത്ന ആർട്ടിസ്റ്റ് സുജാതൻ, വയലിൻ വിദ്വാൻ കുമ്മനം ഉപേന്ദ്രനാഥ്, പ്രശസ്ത സംഗീതജ്ഞൻ ജെയ്‌സൺ ജെ. നായർ,
എൻ. എസ്. എസ് ജനറൽ സെക്രട്ടറി രാധാകൃഷ്ണൻ, അയ്മനം ഗ്രാമപഞ്ചായത്ത് മെമ്പർ ലേഖ മധുസൂദനൻ തുടങ്ങിയ പ്രമുഖർ ചടങ്ങിൽ സന്നിഹിതരായി.
ചടങ്ങിൽ പങ്കെടുത്ത വിശിഷ്ട വ്യക്തികൾ ഭവപ്രിയയുടെ പ്രവർത്തനങ്ങളെ അഭിനന്ദിച്ചും പന്ത്രണ്ടാം വാർഷികത്തിന് ആശംസകൾ നേർന്നും സംസാരിച്ചു.
കലയുടെ വിവിധ മേഖലകളിൽ കുട്ടികളുടെ കഴിവുകൾ വളർത്തിയെടുക്കുന്ന ഭവപ്രിയയുടെ പ്രവർത്തനം ഇനിയും കൂടുതൽ ഉയരങ്ങളിലേക്ക് എത്തട്ടെയെന്നും അവർ ആശംസിച്ചു.
വിവിധ കലോത്സവങ്ങളിൽ മികച്ച വിജയം നേടിയ വിദ്യാർത്ഥികളെ ചടങ്ങിൽ അനുമോദിച്ചു.
ഭവപ്രിയയിലെ വിദ്യാർത്ഥികളുടെ കലാപരമായ മികവിനുള്ള അംഗീകാരമായി നടന്ന അനുമോദനം ചടങ്ങിന്റെ പ്രധാന ആകർഷണമായി.
ഭവപ്രിയ സ്കൂൾ ഓഫ് മ്യൂസിക് & ഡാൻസ് നൽകിയ ആദരവ് വിശിഷ്ട വ്യക്തികൾ ഏറ്റുവാങ്ങി.
തുടർന്ന് നടന്ന സംഗീത-നൃത്ത വിരുന്നിൽ ഭവപ്രിയയിലെ 50-ലധികം കുട്ടികൾ പങ്കെടുത്തു.
കുട്ടികളുടെ മികച്ച കലാപ്രകടനങ്ങൾ ചടങ്ങിന് മാറ്റുകൂട്ടി.
