സാമൂഹ്യവിരുദ്ധ പ്രവർത്തനങ്ങളിൽ ഏർപ്പെട്ടു; കാപ്പ ചുമത്തി വെച്ചൂർ സ്വദേശിയായ യുവാവിനെ കരുതൽ തടങ്കലിലാക്കി, കോട്ടയം ജില്ലാ പോലീസ് മേധാവി സാബു മാത്യു കെ. എം. ഐപിഎസിന്റെ റിപ്പോർട്ടിന്റെ അടിസ്ഥാനത്തിൽ ജില്ലാ കളക്ടറാണ് കരുതൽ തടങ്കൽ ഉത്തരവ് പുറപ്പെടുവിച്ചത്

വൈക്കം: സാമൂഹ്യവിരുദ്ധ പ്രവർത്തനങ്ങൾ തടയുന്നതിനായി കാപ്പ നിയമപ്രകാരം വെച്ചൂർ സ്വദേശിയായ യുവാവിനെ കരുതൽ തടങ്കലിലാക്കി.

വൈക്കം താലൂക്കിൽ വെച്ചൂർ വില്ലേജിൽ ഇടയാഴം കരയിൽ ഗാന്ധി കോളനി ഭാഗത്ത് അഖിൽ നിവാസ് വീട്ടിൽ പ്രസാദ് മകൻ അഖിൽ പ്രസാദ് കുക്കുവിനെതിരെയാണ് നടപടി.

കേരള സാമൂഹ്യവിരുദ്ധ പ്രവർത്തനങ്ങൾ (തടയൽ) നിയമം, 2007-ലെ വകുപ്പ് 3(1) പ്രകാരം കോട്ടയം ജില്ലാ കളക്ടറാണ് കരുതൽ തടങ്കൽ ഉത്തരവ് പുറപ്പെടുവിച്ചത്.

കോട്ടയം ജില്ലാ പോലീസ് മേധാവി സാബു മാത്യു കെ. എം. IPS ന്റെ റിപ്പോർട്ടിന്റെ അടിസ്ഥാനത്തിലാണ് നടപടി. തുടർന്ന് ഉത്തരവ് 04.10.2026-ന് നടപ്പാക്കി ഇയാളെ വിയ്യൂർ സെൻട്രൽ ജയിലിൽ പാർപ്പിച്ചു.