കോട്ടയം: ദർശന സാംസ്കാരിക കേന്ദ്രവും ചിൽഡ്രൻസ് ബുക്ക് ട്രസ്ററ് ന്യൂഡൽഹിയുമായി സംയുക്തമായി ദർശന അഖില കേരള ശങ്കേഴ്സ് ചിത്രരചന, കാർട്ടൂൺ മത്സരം സംഘടിപ്പിച്ചു.
കലാരത്ന ആര്ടിസ്റ് സുജാതൻ മത്സരം ഉദ്ഘാടനം ചെയ്തു. ദർശന സാംസ്കാരിക കേന്ദ്രം ഡയറക്ടർ ഫാ. ഡോ . തോമസ് പുതുശ്ശേരി സിഎംഐ, അധ്യക്ഷത വഹിച്ചു.
കാർട്ടൂണിസ്റ്റ് രാജു നായർ, പി.കെ ആനന്ദക്കുട്ടൻ ആർട്ടിസ്റ്റ് സി.സി അശോകൻ, ടി എസ് ശങ്കർ, കൃഷ്ണമൂർത്തി , ജോയ് സക്കറിയ , ജിജോ വി എബ്രഹാം , ജേക്കബ് പണിക്കർ, സക്കറിയ കുര്യൻ , അനുപമ കുമാരി എന്നിവർ പ്രസംഗിച്ചു .
വര്ണ്ണങ്ങളിൽ അത്ഭുതം സൃഷ്ടിച്ച കൊച്ചു കലാകാരന്മാർ ചിത്രകലയുടെ ഭാവി വാഗ്ദാനങ്ങളാണ്. ചിത്രരചന അവർക്ക് അനായാസം വഴങ്ങുമെന്ന് ചിത്രങ്ങൾ തെളിയിച്ചു. മഴയത്തു സ്കൂളിലേക്കുള്ള യാത്ര ,
പൂന്തോട്ടം , തിരക്കേറിയ മാർക്കറ്റ്,റയിൽവേ സ്റ്റേഷൻ തിരക്ക് , നഗരത്തിലെ ഗതാഗതക്കുരുക്ക്, ആനൂകാലിക വിഷയം ഓപ്പറേഷൻ തൂഫാൻ (കാർട്ടൂൺ) മുഖ്യമന്ത്രി വി ഡി സതീശൻ (കാരിക്കേച്ചർ) എന്നിവയുടെ ആവിഷ്ക്കാരം ഒന്നിനൊന്ന് മെച്ചമായി കുട്ടികൾ വരച്ചു.
മത്സരത്തിൽ പങ്കെടുത്ത എല്ലാ കുട്ടികൾക്കും സമ്മാനകിറ്റുകൾ വിതരണം ചെയ്തു.
പെയിന്റിംഗിലെ അഞ്ച് വിഭാഗങ്ങളിലും കാർട്ടൂണിലും ആദ്യത്തെ സ്ഥാനക്കാർക്കും ചിൽഡ്രൻസ് ബുക്ക് ട്രസ്റ്റ്, ന്യൂഡൽഹി വക വെള്ളി മെഡലുകളും മറ്റു സ്ഥാനങ്ങൾ നേടുന്നവർക്ക് ദർശന നല്കുന്ന പ്രത്യേക ട്രോഫികളും, സർട്ടിഫിക്കറ്റുകളും നൽകുന്നതാണ്. സമ്മാന വിതരണം പിന്നിട് അറിയിക്കുന്നതാണ്. കേരളത്തിലെ വിവിധ വിദ്യാലയങ്ങളിൽ നിന്നായി 2000 ലധികം കുട്ടികൾ പങ്കെടുത്തു.
