കോട്ടയം: മെഡിക്കല് കോളേജ് ആശുപത്രിയില് ജനിച്ച കുഞ്ഞിന്റെ ശരീരത്തില് ഒരു വര്ഷമായി സൂചി കുടുങ്ങിക്കിടന്ന സംഭവത്തിൽ സമഗ്ര അന്വഷണം നടത്തി കുറ്റക്കാർക്കെതിരെ നടപടി സ്വീകരിക്കണമെന്നും, അല്ലാത്ത പക്ഷം ശക്തമായ പ്രതിഷേധ പരിപാടികളുമായി മുന്നോട്ട് പോകുമെന്നും എസ്ഡിപിഐ ഏറ്റുമാനൂർ മണ്ഡലം പ്രസിഡന്റ് കെ.കെ അബ്ദുൽ നാസർ പറഞ്ഞു.
കഴിഞ്ഞവര്ഷം ജൂണില് കോട്ടയം മെഡിക്കല് കോളേജ് ആശുപത്രിയിലായിരുന്നു അഞ്ജുവിന്റെ പ്രസവം. ജനനത്തിനു പിന്നാലെ കുഞ്ഞിന് പനിയും, ശരീരത്തിന് മഞ്ഞപ്പും ഉണ്ടായതിനെത്തുടര്ന്ന് എന്ഐസിയുവില് പ്രവേശിപ്പിച്ചിരുന്നു.
അതിനുശേഷമാണ് കുഞ്ഞിന്റെ ശരീരത്തില് അസ്വാഭാവികമായ തടിപ്പ് കുടുംബം ശ്രദ്ധിച്ചത്. കുഞ്ഞിന്റെ വലതുഭാഗത്ത്, വാരിയെല്ലിന്റെ അടുത്തായി എന്തോ ഒന്ന് കൂര്ത്ത് ഉള്ളില്നിന്ന് തള്ളിനില്ക്കുന്നതുപോലെ ആയിരുന്നു അത്.
ഇക്കാര്യം അറിയിച്ചതിനെ തുടര്ന്ന് സ്കാനിങ് നടത്തി. സ്കാനിങ്ങില് പ്രശ്നങ്ങളൊന്നും ഇല്ലെന്നു പറഞ്ഞ് അധികൃതര് കുടുംബത്തെ മടക്കിയയച്ചു. പലതവണ ഡോക്ടര്മാരെ കാണിച്ചെങ്കിലും കുഴപ്പം ഇല്ലെന്ന മറുപടി ആവര്ത്തിക്കപ്പെട്ടു.തുടർന്ന് കോഴിക്കോട് മെഡിക്കല് കോളേജ് ആശുപത്രിയില് നിന്ന് സൂചി നീക്കം ചെയ്തു.
