കുമരകം: കുമരകം ശ്രീകുമാരമംഗലം ക്ഷേത്രത്തിൽ ചിങ്ങമാസ ഷഷ്ഠി പൂജ ഇന്ന്. രാവിലെ 11.30 മുതൽ പഞ്ചാമൃത അഭിഷേകം, നെയ്യ് അഭിഷേകം, പനിനീർ അഭിഷേകം, ഭസ്മാഭിഷേകം എന്നിവ നടക്കും. 12.30ന് ഷഷ്ഠിപൂജ. കൂടാതെ, പൊൻകാവടി, നാരങ്ങ സമർപ്പണം എന്നീ വഴിപാടുകളും നടക്കും.
കുമരകം അട്ടിച്ചിറ ശ്രീജിത്ത് ആണ് അന്നദാനം വഴിപാടായി സമർപ്പിച്ചിരിക്കുന്നത്.
ക്ഷേത്രം തന്ത്രി എരമല്ലൂർ ഉഷേന്ദ്രൻ തന്ത്രി, മേൽശാന്തി ഷൈൻ ശാന്തി എന്നിവർ ഷഷ്ഠി പൂജാ ചടങ്ങുകൾക്ക് മുഖ്യകാർമികത്വം വഹിക്കും. വൈകിട്ട് 8ന് പാനക പൂജയും ഉണ്ടായിരിക്കുമെന്ന് ശ്രീകുമാരമംഗലം ദേവസ്വം പ്രസിഡന്റ് എ.കെ ജയപ്രകാശ് അറിയിച്ചു. ഫോൺ: 0481 2524446.
