ചിങ്ങവനം: മീൻ പിടിക്കാൻ വല വീശുന്നതിനിടയിൽ അബദ്ധത്തിൽ വെള്ളത്തിൽ വീണു യുവാവ് മരിച്ചു. നാട്ടകം കാക്കൂരിൽ വാടകയ്ക്ക് താമസിക്കുന്ന ശങ്കർ ലാൽ (42) ആണ് മരിച്ചത്.
കോഴിക്കോട് സ്വദേശിയാണ്. ഇന്നലെ ഉച്ചയ്ക്ക് 12.30ന് നാട്ടകം പാറേച്ചാൽ ബൈപാസിന് സമീപം കൊടുരാറിന്റെ കൈവഴിയിലാണ് അപകടം നടന്നത്.
സംഭവത്തെ തുടർന്ന് നാട്ടുകാർ വിവരം അറിയിച്ചതിനെ തുടർന്ന് സ്കൂബാ ടീം അടക്കമുള്ള ഫയർഫോഴ്സ് സംഘം സ്ഥലത്തെത്തി ശങ്കർ ലാലിനെ കരയ്ക്കെത്തിച്ച് ജില്ലാ ആശുപത്രിയിൽ എത്തിച്ചെങ്കിലും രക്ഷിക്കാനായlല്ല. ശങ്കർ ലാലിന്റെ അച്ഛൻ ട്രാവൻകൂർ സിമന്റ്സ് മുൻ ജീവനക്കാരനാണ്. സംസ്കാരം പിന്നീട്.
