കൊച്ചി: കുമ്പളം ടോൾപ്ലാസയ്ക്ക് സമീപം നിർത്തിയിട്ടിരുന്ന ലോറിക്ക് പിന്നിൽ കാറിടിച്ച് നാല് പേർക്ക് പരിക്ക്.
ഇന്ന് വൈകിട്ട് 4.45-ഓടെയായിരുന്നു അപകടം.
പരിക്കേറ്റവരെ ഉടൻ സ്വകാര്യ ആശുപത്രിയിലെ അത്യാഹിത വിഭാഗത്തിൽ പ്രവേശിപ്പിച്ചു.
കളമശ്ശേരിയിലെ സ്വകാര്യ ക്ലീനിംഗ് സ്ഥാപനത്തിലെ ജീവനക്കാർ സഞ്ചരിച്ചിരുന്ന കാറാണ് അപകടത്തിൽപ്പെട്ടതെന്നാണ് ലഭിക്കുന്ന പ്രാഥമിക വിവരം.
തോപ്പുംപടിയിൽ നിന്ന് കളമശ്ശേരിയിലേക്ക് പോവുകയായിരുന്നു ഇവർ.
കാറോടിച്ചിരുന്ന തൃശൂർ വയലത്തൂർ കാളിയത്ത് സ്വദേശി മുഹമ്മദ് നിസാം (24), അതിഥി തൊഴിലാളികളായ സൻജിബ് ഹർദിക് (30), നബാസ് സൗൾ (30), റാസ് (30) എന്നിവർക്കാണ് പരിക്കേറ്റത്.
