ഡല്‍ഹി: കേരള ഹൗസില്‍ ഇന്നുമുതല്‍ നാലുവരെ കേരളപ്പിറവി ആഘോഷം നടക്കും.
ഇന്നു വൈകുന്നേരം 4.30ന് സംസ്ഥാന വൈദ്യുതി വകുപ്പ് മന്ത്രി സണ്ണി ജോസഫ് ഉദ്ഘാടനം ചെയ്യും.
”ഫെസ്റ്റിവല്‍ ഓഫ് കേരളം, മാറ്റത്തിന്റെ പുതുയുഗം” എന്നപേരില്‍ നടക്കുന്ന പരിപാടി ഇൻഫർമേഷൻ പബ്ലിക് റിലേഷൻസ് വകുപ്പും കേരള ഹൗസും സംയുക്തമായി ഡല്‍ഹി-എൻസിആറിലെ മലയാളിസംഘടനകളുടെ സഹകരണത്തോടെയാണു സംഘടിപ്പിച്ചിട്ടുള്ളത്.
മലയാളിസംഘടനകള്‍, കലാസംഘങ്ങള്‍,വിദ്യാർഥികൂട്ടായ്മകള്‍, കേരള ഹൗസ് ജീവനക്കാർ, കുടുംബാംഗങ്ങള്‍ എന്നിവർ ചേർന്നു കേരളത്തിന്റെ സാംസ്കാരികത്തനിമയുള്ളതും വൈവിധ്യമാർന്നതുമായ കലാപരിപാടികള്‍ അവതരിപ്പിക്കുമെന്ന് ഡല്‍ഹിയിലെ കേരള സർക്കാരിന്റെ പ്രത്യേക പ്രതിനിധി ജി. ദേവരാജൻ വാർത്താസമ്മേളനത്തില്‍ അറിയിച്ചു.
ആഘോഷപരിപാടികളില്‍ മുഖ്യമന്ത്രിയും വിവിധ എംപിമാരും എംഎല്‍എമാരും പങ്കെടുക്കുമെന്നും അദ്ദേഹം പറഞ്ഞു.
