തിരുവനന്തപുരം: പ്രതിപക്ഷ പ്രതിഷേധത്തിനിടെ കേരള മാരിടൈം ബോർഡ് ബില്‍ നിയമസഭ പാസാക്കി.
തീരദേശത്തെ കോർപറേറ്റ് മാഫിയക്ക് തീറെഴുതുന്ന സമ്മതപത്രമാണിതെന്ന് പ്രതിപക്ഷ നേതാവ് കുറ്റപ്പെടുത്തി. ധാതു സമ്പത്ത് കൊള്ളയടിക്കലാണ് ലക്ഷ്യമെന്നും പിണറായി വിജയൻ പറഞ്ഞു.
സ്വപ്ന പദ്ധതിയാണ് മിഷൻ സമുദ്രയെന്നും, പ്രതിപക്ഷത്തിന്റെ ബഹിഷ്കരണം ഒരു വിസ്മയവും ഉണ്ടാക്കുന്നില്ലെന്നും മുഖ്യമന്ത്രി മറുപടി നല്‍കി.
കേരളത്തിന്റെ 600 കിലോമീറ്ററോളം വരുന്ന തീരദേശവും തുറമുഖങ്ങളും കേന്ദ്രീകരിച്ച്‌ വൻ വ്യവസായ-തൊഴില്‍ സാധ്യതകള്‍ ലക്ഷ്യമിടുന്ന 'മിഷൻ സമുദ്ര' പദ്ധതിയുടെ ഭാഗമായാണ് ബില്‍.
തുറമുഖ വികസനത്തിനും അനുബന്ധ വ്യവസായങ്ങള്‍ക്കുമായി സർക്കാർ ഭൂമി ഒന്നിച്ച്‌ ചേർത്ത് ഒരു 'സ്റ്റേറ്റ് മാരിടൈം ലാൻഡ് ബാങ്ക്' രൂപീകരിക്കും.
മത്സ്യത്തൊഴിലാളികളുടെ തൊഴില്‍-ജീവിത സാഹചര്യം ഇല്ലാതെയാക്കാനുള്ള ശ്രമമാണ് നടക്കുന്നതെന്നാണ് പ്രതിപക്ഷത്തിന്റെ ആരോപണം. പിന്നാലെ നിയമസഭയില്‍ നിന്ന് പ്രതിഷേധിച്ച്‌ പ്രതിപക്ഷം ഇറങ്ങിപ്പോയി.
എല്ലാ ഘട്ടത്തിലും എല്‍ഡിഎഫ് ഈ പദ്ധതിയെ എതിർത്തതാണെന്നും കേരളത്തിന്റെ തീരദേശം നഷ്ടപ്പെടാൻ പോകുകയാണെന്നും പ്രതിപക്ഷ നേതാവ് പിണറായി വിജയൻ പറഞ്ഞു.
