കൊച്ചി: കേരള ഹൈക്കോടതിയില് ഉയർന്ന ശമ്പളത്തോടെ ജോലി നേടാൻ അവസരം വന്നെത്തി. ഓഫീസ് അറ്റൻഡന്റ് തസ്തികയിലാണ് അവസരം. 17 ഒഴിവുകളുണ്ട്.
hckrecruitment.keralacourts.in എന്ന വെബ്സൈറ്റില് പ്രവേശിച്ച് സെപ്റ്റംബർ 23 മുതല് അപേക്ഷകള് സമർപ്പിക്കാം. പത്താംക്ലാസ് പാസായവരാണ് അപേക്ഷിക്കേണ്ടത്. ബിരുദമുള്ളവർ അപേക്ഷിക്കേണ്ടതില്ല. 50,000 രൂപയ്ക്ക് മുകളില് ശമ്പളവും നേടാം.
തെരഞ്ഞെടുക്കുന്നത്
എഴുത്തുപരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് ഉദ്യോഗാർഥികളെ തെരഞ്ഞെടുക്കുന്നത്. അപേക്ഷാ ഫീസ് 500 രൂപയാണ്. പട്ടികജാതി/പട്ടികവർഗ്ഗ വിഭാഗങ്ങള്ക്കും മറ്റ് അർഹരായവർക്കും നിബന്ധനകള്ക്ക് വിധേയമായി ഫീസ് ഇളവുകള് ബാധകമായിരിക്കും.
മാസം അരലക്ഷത്തിനുമുകളില് ശമ്പളം; പരീക്ഷയില്ലാതെ ജോലി നേടാൻ അവസരം വന്നെത്തി
എഴുത്തുപരീക്ഷ
ഒബ്ജക്ടീവ് രീതിയില് ഒഎംആർ പരീക്ഷ നടത്തും. പരീക്ഷാ സമയം 75 മിനിറ്റാണ്. ആകെ 100 മാർക്കിനുള്ള പരീക്ഷയില് 4 വിഭാഗങ്ങള് ഉള്പ്പെടുത്തിയിട്ടുണ്ട്. ജനറല് നോളജ് ആൻഡ് കറന്റ് അഫയേഴ്സ് - 50 മാർക്ക്, ന്യൂമറിക്കല് എബിലിറ്റി- 20 മാർക്ക്, മെന്റല് എബിലിറ്റി- 15 മാർക്ക്, ജനറല് ഇംഗ്ലീഷ് - 15 മാർക്ക് എന്നിങ്ങനെ നാല് വിഭാഗങ്ങളാണ് പരീക്ഷയിലുള്ളത്.
