ചെന്നൈ : കരൂർ ദുരന്തത്തില് മരിച്ചവരുടെ ബന്ധുക്കള്ക്ക് സർക്കാർ ജോലി നല്കിയതില് വിജയ് സർക്കാരിന് തിരിച്ചടി. നിയമന ഉത്തരവ് ഹൈക്കോടതി റദ്ദാക്കി.
ആശ്രിത നിയമനത്തിലെ സുപ്രീം കോടതി ഉത്തരവുകളുടെ ലംഘനം എന്ന് ചൂണ്ടിക്കാട്ടിയാണ് ഹൈക്കോടതി നടപടി. മധുര ബഞ്ചാണ് നിയമന ഉത്തരവ് റദ്ദാക്കിയത്. എൻ ടി കെ അടക്കം കക്ഷികള് നല്കിയ ഹർജിയിലാണ് ഉത്തരവ്.
ദിവസവും റോഡ് അപകടങ്ങളില് നിരവധി പേർ മരിക്കുന്നു, എല്ലാവർക്കും സർക്കാർ ജോലി നല്കുമോ എന്ന് കോടതി ചോദിച്ചു. 31 പേർക്കാണ് വിജയ് നേരിട്ട് നിയമന ഉത്തരവ് കൈമാറിയത്. ജൂലൈ 10ന് കരൂരില് വെച്ചായിരുന്നു ചടങ്ങ്.
