കോട്ടയം: കണ്ടത്തിൽ ലോഡ്ജ് ഗ്രൂപ്പിൻ്റെ കോട്ടയം നഗരത്തിലെ 12 കെട്ടിടങ്ങളിലും
പാർക്കിംഗ് ഏരിയ കെട്ടിയടച്ചും 2 നിലയ്ക്ക് പെർമിറ്റ് എടുത്ത് നിർമ്മാണം നടത്തുകയും ഇതിൻ്റെ മറവിൽ നഗരസഭയുടെ പെർമിറ്റും ഫയർ എൻഒസി യുമില്ലാതെ മൂന്നും നാലും നിലകൾ അനധികൃതമായി കെട്ടിപ്പൊക്കുകയുമാണ്.
രണ്ട് നിലയ്ക്ക് മാത്രം പെർമിറ്റ് എടുക്കുന്നതിനാൽ കെട്ടിടം നിർമ്മിക്കുന്നതിന് ഫയർഫോഴ്സിന്റെ എൻഒസി ആവശ്യമില്ല. ഇതിൻ്റെ മറവിലാണ് മൂന്നും നാലും നിലകൾ അനധികൃതമായി കെട്ടിപ്പൊക്കുന്നത്. ഇത്തരത്തിൽ അനധികൃതമായി കെട്ടിപ്പൊക്കിയ കെട്ടിടങ്ങളിൽ തീപിടുത്തമുണ്ടായൽ അകത്തുള്ളവർ വെന്ത് മരിക്കുമെന്നതിൽ സംശയമില്ല.
ഫയർ സുരക്ഷ ഒരുക്കുന്നതിനാവശ്യമായ സ്ഥലം ലാഭിച്ച് അവിടെയും കെട്ടിടം നിർമ്മിക്കുന്നതിനാണ് രണ്ട് നിലയ്ക്ക് മാത്രം പെർമിറ്റ് എടുക്കുന്നത്. ഇതുമൂലം തീപിടുത്തമോ മറ്റ് അപകടങ്ങളോ സംഭവിച്ചാൽ വൻ ദുരന്തമാകും ഉണ്ടാകുന്നത്. കണ്ടത്തിൽ ഗ്രൂപ്പിൻ്റെ കളക്ട്രേറ്റിന് സമീപമുള്ള സൂപ്പർ മാർക്കറ്റിൽ 4 വർഷം മുൻപ് തീപിടുത്തം ഉണ്ടായിരുന്നു. തീ പിടിച്ചത് പുലർച്ചെ ആയതിനാൽ വലിയ അപകടം ഒഴിവായിരുന്നു.
ഫയർ എൻഒസി ഇല്ലാതെ കോട്ടയം നഗരത്തിൽ കണ്ടത്തിൽ ഗ്രൂപ്പ് അനധികൃതമായി നിർമ്മിച്ച 12 കെട്ടിടങ്ങളും പൊളിച്ച് മാറ്റണമെന്നാവശ്യപ്പെട്ട് തേർഡ് ഐ ന്യൂസ് ചീഫ് എഡിറ്റർ ഫയർഫോഴ്സ് മേധാവിക്ക് പരാതി നൽകി.
ഇതിനിടെ അനധികൃത കെട്ടിട നിർമ്മാണവും നികുതി വെട്ടിക്കലും
മാത്രമല്ല കണ്ടത്തിൽ മുതലാളിക്കുള്ളതെന്ന് തേർഡ് ഐ ന്യൂസിൻ്റെ അന്വേഷണത്തിൽ കണ്ടെത്തി. ശാസ്ത്രീ റോഡിൽ വ്യാപകമായി
പിഡബ്ല്യുഡി
ഭൂമിയും ഇവർ കൈയ്യേറിയിട്ടുണ്ട്. കൈയ്യേറ്റഭൂമി തിരിച്ച് പിടിക്കണമെന്നാവശ്യപ്പെട്ട് പിഡബ്ല്യുഡിക്കും പരാതി നൽകിയിട്ടുണ്ട്.
