കടുത്തുരുത്തി: വീടിനുമുന്നിലെ പൊതുവഴിയില് ചെടി വച്ചും, ഇഷ്ടിക ഇറക്കിവെച്ചും ഗതാഗതം തടസപ്പെടുത്തുന്നവര്ക്കെതിരെ നടപടി സ്വീകരിക്കണമെന്ന് നാട്ടുകാരും യാത്രക്കാരും ആവശ്യപ്പെട്ടു.
കോട്ടയം -എറണാകുളം റോഡില് കടുത്തുരുത്തി ഐ.ടി.സി. ജങ്ഷനും പെട്രോള് പമ്പിനുമിടയിലാണ് ചെടികള് വച്ചിരിക്കുന്നത്. തിരക്കേറിയ റോഡില് വാഹനങ്ങള് ഓവര്ടേക്ക് ചെയ്യുമ്പോള് അപകടമുണ്ടാകാന് സാധ്യത ഏറെ എന്നാണ് യാത്രക്കാര് പറയുന്നത്.
കൂടാതെ ഐ.ടി.സി. ജങ്ഷനില് കുരിശുപള്ളിക്ക് എതിര്വശം വീടിന് മുന്നിലെ പൊതുവഴിയില് ഇഷ്ടിക അടുക്കി വച്ചും ഗതാഗതം തടസപ്പെടുത്തിയിരിക്കുകയാണ്. ഗതാഗത തടസം ഉണ്ടാക്കിയ ചെടിച്ചട്ടികളും, ഇഷ്ടികയും മാറ്റുവാന് വേണ്ട നടപടി ബന്ധപ്പെട്ട അധികൃതര് സീകരിക്കണമെന്ന് നാട്ടുകാരും യാത്രക്കാരും ആവശ്യപ്പെടുന്നു.
