ഡല്ഹി: മൊബൈല് റീചാർജ് കാലാവധി അവസാനിച്ചിട്ടും പുതിയ പ്ലാനിലേക്ക് മാറാത്ത ജിയോ ഉപയോക്താക്കള്ക്ക് മുന്നറിയിപ്പ് സന്ദേശം.
റീചാർജ് കാലാവധി കഴിഞ്ഞാല് ഇൻകമിങ് കോളുകളും എപ്പോള് വേണമെങ്കിലും നിലച്ചേക്കാമെന്നാണ് ചില ഉപയോക്താക്കള്ക്ക് ലഭിച്ച സന്ദേശത്തില് പറയുന്നത്. ഇത് ജിയോയുടെ പ്രീപെയ്ഡ് ഉപയോക്താക്കള്ക്കിടയില് വലിയ ആശങ്കയ്ക്കിടയാക്കിയിട്ടുണ്ടെന്നാണ് റിപ്പോർട്ട്.
റീചാർജ് കാലാവധി അവസാനിച്ച ഉപയോക്താക്കള്ക്ക് ജിയോ അയച്ചതായി പറയപ്പെടുന്ന സന്ദേശത്തിന്റെ സ്ക്രീൻഷോട്ട് സമൂഹമാധ്യമങ്ങളില് വ്യാപകമായി പ്രചരിച്ചുകൊണ്ടിരിക്കുകയാണ്.
'നിങ്ങളുടെ ജിയോ റീചാർജ് പ്ലാനിന്റെ കാലാവധി അവസാനിച്ചു. ഇൻകമിങ് കോളുകള് എപ്പോള് വേണമെങ്കിലും നിലച്ചേക്കാം. സേവനം തുടരാൻ ഉടൻ റീചാർജ് ചെയ്യുക' എന്നാണ് സന്ദേശത്തില് പറയുന്നത്.






