കോട്ടയം: ഓപ്പറേഷൻ തൂഫാൻ പദ്ധതിയുമായി സഹകരിച്ച് ജെസിഐ കോട്ടയം
സംഘടിപ്പിക്കുന്ന റബ്ബർ സിറ്റി റൺ മാരത്തണിന്റെ ജേഴ്സിയുടെയും മെഡലിന്റെയും പ്രകാശനം ആഭ്യന്തരവകുപ്പ് മന്ത്രി രമേശ് ചെന്നിത്തല നിർവഹിച്ചു.
അബിൻ വർക്കി എം.എൽ.എ., കോട്ടയം മുനിസിപ്പൽ കൗൺസിലർ ടോം കോര, പ്രസിഡന്റ് അമൽ ലാലു, മുൻ പ്രസിഡന്റ് അഖിൽ ജോസ്, മാരത്തൺ കോ-ഓർഡിനേറ്റർമാരായ മനു ജോർജ്, ആന്റണി ചിറക്കടവിൽ, ഗോകുൽ പ്രസാദ്, സെക്രട്ടറി റിച്ചുമോൻ സാലു, ഇൻഫൽ അഹമ്മദ് തുടങ്ങിയവർ ചടങ്ങിൽ സന്നിഹിതരായിരുന്നു.
കോട്ടയം ആസ്ഥാനമായി പ്രവർത്തിക്കുന്ന സി. എ. ആന്റണി ആൻഡ് സൺസ് എന്ന സ്ഥാപനമാണ് റബ്ബർ സിറ്റി റൺ മാരത്തണിനായി ആദ്യമായി ടെറാക്കോട്ട മെഡൽ നിർമ്മിച്ചിരിക്കുന്നത്. പരിസ്ഥിതി സൗഹൃദവും പാരമ്പര്യ കലാരൂപത്തിന്റെ പ്രത്യേകതയും ഉൾക്കൊള്ളുന്ന ഈ മെഡൽ മാരത്തണിന്റെ പ്രധാന ആകർഷണങ്ങളിലൊന്നാണ്.
ഒക്ടോബർ 11ന് നടക്കുന്ന റബ്ബർ സിറ്റി റൺ മാരത്തണിനുള്ള എല്ലാ ഒരുക്കങ്ങളും പൂർത്തിയായതായി സംഘാടകർ അറിയിച്ചു.
മാരത്തണിലേക്കുള്ളരജിസ്ട്രേഷൻ www.rubbercityrun.com എന്ന വെബ്സൈറ്റ് വഴി നടത്താം.
