ചെന്നൈ:സിനിമാപ്രേമികള്‍ ഏറെ ആകാംഷയോടെ കാത്തിരിക്കുന്ന ചിത്രമാണ് ജയിലര്‍ 2. നെല്‍സണ്‍ ദിലീപ് കുമാര്‍-രജനികാന്ത് കൂട്ടുകെട്ടിലെത്തുന്ന ചിത്രം നാളെയാണ് റിലീസ് ചെയ്യുന്നത്.
ചിത്രത്തില്‍ നടന്‍ മിഥുന്‍ ചക്രവര്‍ത്തിയാണ് രജനികാന്തിന്റെ വില്ലനായെത്തുന്നത്. ഏകദേശം മൂന്നു പതിറ്റാണ്ടുകള്‍ക്ക് ശേഷമാണ് മിഥുനും രജനികാന്തും വീണ്ടും ഒരുമിക്കുന്നത്.
ഇപ്പോഴിതാ ജയിലര്‍ 2 വിന്റെ ഭാഗമാകുന്നതിന് മുന്‍പ് മിഥുന്‍ മുന്നോട്ടുവെച്ച ഒരു നിബന്ധനയെക്കുറിച്ച്‌ രജനികാന്ത് പറഞ്ഞ വാക്കുകളാണ് ഇപ്പോള്‍ ശ്രദ്ധനേടുന്നത്. വില്ലനായി അഭിനയിക്കാന്‍ പ്രൊഡക്ഷന്‍ തന്നെ സമീപിച്ചപ്പോള്‍ അദ്ദേഹം അത് നിരസിച്ചു.
'ഞാന്‍ രജനിയുടെ വില്ലനായിട്ടാണോ അഭിനയിക്കേണ്ടത് ?. അവന്‍ എന്റെ വളരെ നല്ല സുഹൃത്താണ്. എന്റെ ഏറ്റവും അടുത്ത സുഹൃത്താണ്' എന്നാണ് അദ്ദേഹം പറഞ്ഞത്. 'രജനി ഹീറോ, ഞാന്‍ വില്ലന്‍ ?. ഞാന്‍ രജനികാന്തില്‍ നിന്ന് അടി വാങ്ങണോ ?. ഒരിക്കലുമില്ല, ഞാനത് ചെയ്യുന്നില്ല'.- എന്ന് മിഥുന്‍ ഉറപ്പിച്ചു പറഞ്ഞു.
പിന്നീട്, പ്രധാനമന്ത്രി പങ്കെടുത്ത വേവ്സ് ഉച്ചകോടിയുടെ ഒരു പതിപ്പിനിടെ ഞാന്‍ ബോംബെയില്‍ വച്ച്‌ അദ്ദേഹത്തെ കണ്ടു. അവിടെ വെച്ച്‌ അദ്ദേഹം എന്നോട് പറഞ്ഞു, 'അവര്‍ ഈ ചിത്രത്തിനായി എന്നെ സമീപിച്ചിട്ടുണ്ട്. രജനി, നീ പറഞ്ഞാല്‍ ഞാന്‍ അത് ചെയ്യും' എന്ന്. ഞാന്‍ അദ്ദേഹത്തോട് പറഞ്ഞു, 'തീര്‍ച്ചയായും, ഇത് നന്നായിരിക്കും' എന്ന്.
അപ്പോള്‍ അദ്ദേഹം പറഞ്ഞു, 'ശരി, എന്നാല്‍ ഒരു വ്യവസ്ഥയില്‍ ഞാന്‍ അഭിനയിക്കാം. 'നീ എന്നെ തല്ലാനോ വെടി വയ്ക്കാനോ പാടില്ല. ഓക്കെ ആണോ' എന്ന് എന്നോട് ചോദിച്ചു. ഞാന്‍ പറഞ്ഞു, 'അതെനിക്ക് അറിയില്ല. ഞാന്‍ സംവിധായകനോട് ചോദിച്ചിട്ട് പറയാം' എന്ന്. അത്രയുമാണ് അന്ന് നടന്നത്. പക്ഷേ എനിക്കുറപ്പായിരുന്നു മിഥുന്‍ അതൊക്കെ വെറുതെ പറഞ്ഞതാണെന്ന്'.- രജനികാന്ത് പറഞ്ഞു
