ഡൽഹി: രാഹുല്‍ ഗാന്ധിയും ഇന്ത്യാ സഖ്യ നേതാക്കളും ചേർന്ന് സുപ്രീം കോടതിയില്‍ നല്‍കിയ ഹർജിയില്‍ ഗുരുതര പിഴവുകള്‍.
കോർട്ട് ഫീസ് അടച്ചതിലെ കുറവ് ഉള്‍പ്പെടെ 14 പിഴവുകളാണ് രജിസ്ട്രി ചൂണ്ടിക്കാട്ടിയത്.
ഹർജി പിഴവുകള്‍ തിരുത്തി നല്‍കാൻ നിർദേശം നല്‍കി. ഇന്ന് പരിഗണിക്കുന്ന കേസുകളുടെ കൂട്ടത്തില്‍ ഈ ഹർജി ലിസ്റ്റ് ചെയ്തിട്ടില്ല.
മാധ്യമപ്രവർത്തകർക്കെതിരെ പൊലീസ് നടപടി എടുക്കുന്നു എന്നതടക്കം ഹർജികള്‍ ഇന്ന് സുപ്രീം കോടതി പരിഗണിച്ചേക്കും.
അതേസമയം, ചീഫ് ജസ്റ്റിസ് സൂര്യകാന്ത് രാജിവയ്ക്കണമെന്ന കോണ്‍ഗ്രസ് കേരള ഘടകം ട്വീറ്റിനെതിരെ കൂടുതല്‍ അഭിഭാഷക സംഘടനകള്‍ സുപ്രീംകോടതി അഡ്വക്കേറ്റ്സ് ഓണ്‍ റെക്കോർഡ് അസോസിയേഷനും വിമർശിച്ച്‌ പ്രസ്താവന ഇറക്കി.
ട്വീറ്റ് പാർട്ടിയുടെ അറിവോടെയല്ലെന്നായിരുന്നു കെപിസിസി അധ്യക്ഷൻ സണ്ണി ജോസഫിൻ്റെ വിശദീകരണം. സുപ്രീം ജുഡീഷ്യറിയെ തകർത്ത് അരാജകത്വം പടർത്താനാണ് ശ്രമമെന്ന് മന്ത്രി കിരണ്‍ റിജിജു വിമർശിച്ച്‌ രംഗത്തെത്തി.
