പൂണെ: ഇന്ത്യൻ സൂപ്പർ ലീഗിന്റെ 2026-27 സീസണിലെ ആദ്യ മത്സരത്തില്‍ ഇന്റർ കാശിയെ എതിരില്ലാത്ത രണ്ട് ഗോളുകള്‍ക്ക് പരാജയപ്പെടുത്തി കേരള ബ്ലാസ്റ്റേഴ്സ്.
മലയാളി താരം വിബിൻ മോഹനന്റെ ഗോളിലൂടെ മുന്നിലെത്തിയ മഞ്ഞപ്പട, മത്സരത്തിലുടനീളം ആധിപത്യം നിലനിർത്തി മൂന്ന് പോയിന്റുകളും സ്വന്തമാക്കി.
മത്സരത്തിന്റെ 18-ാം മിനിറ്റിലായിരുന്നു ബ്ലാസ്റ്റേഴ്സിന്റെ ആദ്യ ഗോള്‍. മലയാളി താരവും ടീമിന്റെ നായകനുമായ വിബിൻ മോഹനൻ പന്ത് വലയിലെത്തിച്ചതോടെ മഞ്ഞപ്പടയ്ക്ക് സ്വപ്നത്തുടക്കം ലഭിച്ചു.
രണ്ടാംപകുതിയിലെ 94-ാം മിനിറ്റില്‍ വലകുലുക്കിയ ഗ്രീൻ കേരള ബ്ലാസ്റ്റേഴ്സിന്റെ വിജയത്തിന് ഇരട്ടിമധുരം പകർന്നു.
ആഷ്ലി വെസ്റ്റ്വുഡിന് കീഴില്‍ മികച്ച തുടക്കം ലക്ഷ്യമിട്ടിറങ്ങിയ ബ്ലാസ്റ്റേഴ്സിന് ഈ വിജയം ആത്മവിശ്വാസം പകരുന്നതാണ്. കഴിഞ്ഞ സീസണിലെ നിരാശകള്‍ മറന്ന് പുതിയ സീസണില്‍ ശക്തമായി തിരിച്ചുവരാനാണ് ടീം ലക്ഷ്യമിടുന്നത്.
പരിമിതമായ തയ്യാറെടുപ്പുകള്‍ക്കിടയിലും ആദ്യ മത്സരത്തില്‍ തന്നെ വിജയിക്കാനായത് ആരാധകർക്കും ആശ്വാസമാണ്.
