ഡല്‍ഹി: ബിരുദധാരികള്‍ക്കായി ഇന്ത്യൻ റെയില്‍വേ പുതിയ തൊഴിലവസരങ്ങള്‍ പ്രഖ്യാപിച്ചു.
സെൻട്രലൈസ്ഡ് എംപ്ലോയ്മെന്റ് നോട്ടിഫിക്കേഷൻ നമ്പർ 08/2026 പ്രകാരം സ്റ്റേഷൻ മാസ്റ്റർ തസ്തികയിലേക്കുള്ള ഓണ്‍ലൈൻ രജിസ്ട്രേഷൻ ആരംഭിച്ചു.
യോഗ്യരായ ഉദ്യോഗാർത്ഥികള്‍ക്ക് കരിയർ അവസരങ്ങള്‍ നല്‍കുന്നതിനോടൊപ്പം റെയില്‍വേയുടെ പ്രവർത്തനക്ഷമത വർദ്ധിപ്പിക്കുന്നതിന്‍റെ ഭാഗമായാണ് പുതിയ നിയമനം.
2026 മുതല്‍ സ്റ്റേഷൻ മാസ്റ്റർ തസ്തികയിലേക്കുള്ള നിയമനങ്ങള്‍ക്കായി പ്രത്യേകമായി വിജ്ഞാപനം പുറപ്പെടുവിക്കുമെന്ന് റെയില്‍വേ ബോർഡ് നേരത്തെ തീരുമാനിച്ചിരുന്നു.
യോഗ്യതാ മാനദണ്ഡങ്ങള്‍, പരീക്ഷാ നടപടികള്‍, ഒഴിവുകളുടെ വിവരങ്ങള്‍ എന്നിവ വ്യക്തമാക്കുന്ന സമർപ്പിത വിജ്ഞാപനമാണ് ഇപ്പോള്‍ പുറത്തിറക്കിയിരിക്കുന്നത്. വിവിധ റെയില്‍വേ റിക്രൂട്ട്‌മെന്‍റ് ബോർഡുകളിലായി (RRB) ആകെ 1,265 ഒഴിവുകളാണ് ഉള്ളത്. രാജ്യത്തുടനീളമുള്ള വിവിധ റെയില്‍വേ സോണുകളിലേക്ക് യോഗ്യരായ ബിരുദധാരികള്‍ക്ക് ഇതിലൂടെ അവസരം ലഭിക്കും.
ഒണ്‍ലൈൻ അപേക്ഷാ നടപടികള്‍ ആരംഭിച്ചുകഴിഞ്ഞു. അപേക്ഷ സമർപ്പിക്കേണ്ട അവസാന തീയതി 2026 നവംബർ 25 ആണ്. ഉദ്യോഗാർത്ഥികള്‍ വിശദമായ യോഗ്യതാ മാനദണ്ഡങ്ങളും മറ്റ് നിർദ്ദേശങ്ങളും ഔദ്യോഗിക വെബ്‌സൈറ്റ് വഴി പരിശോധിച്ച ശേഷം അപേക്ഷ സമർപ്പിക്കേണ്ടതാണ്. വിശദമായ വിജ്ഞാപനങ്ങളും മറ്റ് വിവരങ്ങളും ഇന്ത്യൻ റെയില്‍വേയുടെ ഔദ്യോഗിക വെബ്‌സൈറ്റില്‍ ലഭ്യമാണ്.
റെയില്‍വേ റിക്രൂട്ട്‌മെന്‍റ് ബോർഡിന്റെ ഔദ്യോഗിക വെബ്‌സൈറ്റ്:
https://rrb.indianrailways.gov.in/
ഓണ്‍ലൈൻ അപേക്ഷാ പോർട്ടല്‍:
