തൊടുപുഴ: ഇടുക്കി മാങ്കുളത്ത് പ്രവർത്തിക്കുന്ന G F Hotels and Resorts Pvt Ltd റിസോർട്ട് പുറമ്പോക്ക് ഭൂമി കയ്യേറിയെന്ന പരാതിയിൽ റിസോർട്ട് ഉടമയ്ക്ക് വീണ്ടും തിരിച്ചടി. കയ്യേറ്റം ഒഴിയണമെന്ന് ആവശ്യപ്പെട്ട് ദേവികുളം തഹസീൽദാർ നൽകിയ നോട്ടീസിനെതിരെ റിസോർട്ട് ഉടമ ഹൈക്കോടതി സിംഗിൾ ബെഞ്ചിനെ സമീപിച്ചിരുന്നു. ഇതേത്തുടർന്ന് വിശദമായ പരിശോധന നടത്തി റിപ്പോർട്ട് സമർപ്പിക്കാൻ കോടതി നിർദേശിക്കുകയായിരുന്നു.
സിംഗിൾ ബെഞ്ചിന്റെ നിർദേശപ്രകാരം ദേവികുളം സബ് കളക്ടർ നടത്തിയ പരിശോധനയിലാണ് റിസോർട്ട് പുറമ്പോക്ക് ഭൂമി കയ്യേറിയതായി കണ്ടെത്തിയത്. പരിശോധനാ റിപ്പോർട്ടിൽ വിവിധ ക്രമക്കേടുകളും കണ്ടെത്തിയതായാണ് വിവരം. റിപ്പോർട്ട് സബ് കളക്ടർ ഉടൻ ഹൈക്കോടതിയിൽ സമർപ്പിക്കുമെന്നാണ് സൂചന.
